هاووڵاتیان مەرزی مونزریەیان داخست

.

دوای بڵاوبوونەوەی ڤایرۆسی كۆرۆناو بەردەوامی هاتوچۆ لەسنوری مەرزی مونزرەیە، ئەمڕۆ خۆپیشاندان و ناڕەزایەتی خەڵكی خانەقین مەرزەكەی داخست.

موهەیمەن ئاغا چالاكوانی سیاسی لە دیالە تایبەت بۆ PUKmedia ووتی: دوای ئەوەی ڤایرۆسەكە ئێرانی گرتەوە، حكومەتی عیراقی بڕیاری دەركرد، كە هاووڵاتیان هاتوچۆی مەرزەكان نەكەن و هەركەسێكیش بگەڕێتەوە لەئێران پشكنینی بۆ بكرێت و بخرێتە كەرەنتینەوە.

وتیشی: هاتووچۆی مەرزی مونزرەیە بەردەوام بووەو ئەمەش وەك مەترسی لەهاووڵاتیان دروستكردبوو، كە بەبێ ئەوەی هیچ پشكنینێكیان بۆ بكرێت دەهاتنەوە شارەكانی هەرێم. 

رونیشكردەوە: ئەمڕۆ خەڵكی شاری خانەقین خۆپیشاندانێكیان ئەنجامداوەو بەو هۆیەوە بڕیاری داخستنی مەرزەكە بەڕووی هاووڵاتیاندا درا.

PUKmedia سامان یاروەیس