تیپی مۆسیقای سلێمانی 4 بەرهەمی نوێ تۆماردەکات

.

لە نوێترین چالاکیدا تیپی مۆسیقای سلێمانی ٤ بەرهەمی نوێ بۆ هونەرمەندان نیان عەبدوڵڵا و ئاریان کەریم و کەویار و قاسم تۆمار دەکات.

لەو بارەیەوە جەنگین جەمال ئەندامی تیپی مۆسیقای سلێمانی بە PUKmedia ی راگەیاند: تیپــی مۆسیقای سـلێمانی لەنوێــترین کارەکانی خۆیدا، چوار بەرهەمى نوێ بۆ هەریەکە لە هونەرمەندان (ئاریــان کەریم، کەویـار و قاسم هــەورامی و نیان عەبدوڵڵا) تۆمار و کلیــپ دەکات و بڕیار وایە بەم زوانە لە میــدیاکانەوە پێشکەشی بینەران و هەوادارانی ئەو هونەرمەندانە بکرێت.

وتیشی: ئەم چوار بەرهەمە نوێیەی تیپی مۆسیقای سلێمانی لە دەرهێنانی رێبین ئەحمەدە.

بەرهەمی حەریرە کە لە وتنی ئاریان کەریمە ئاوازی فۆلکلۆرە و هۆنراوەی قانع-ەو ئامادەکردنی موزیکی عادل محەمەد کەریمە.

گۆرانی چۆن لەبیرتکەم هۆنراوەی ئەحمەد محەمەدە و ئاواز و موزیکی زانا مەحمود هەژارە.

گۆرانی مەڕۆ وتنی نیان عەبدوڵڵا و هۆنراوەو ئاوازی عوسمان عەلییەو ئامادەکردنی موزیکی عومەر عەبدوڵڵایە.

گۆرانی کەنی وتنی قاسم هەورامی هۆنراوەی میرزا عەبدوڵڵای پاوەیی و ئاوازی فۆلکلۆرە و ئامادەکردنی موزیکی عادل محەمەد کەریمە.

ئاماژەی بەوەشکرد، کە سەرجەم بەرهەمەکان لە ستۆدیۆ لاوە تۆمارکراون.

PUKmedia تایبەت

m