بەهۆی سەرەی بەنزینەوە کەسێک دەکوژرێت

.

بەهۆی دروستبونی گرژی لەكاتی وەستانی سەرەی بەنزین هاوڵاتیەك لەناحیەی ژاراوەی سنوری قەزای پشدەر كوژرا.

شۆرش ئیسماعیل وتەبێژی پۆلیسی راپەرین لەكۆنفرانسێكی رۆژنامەوانیدا كەپەیامنێری PUKmedia ئامادەیبوو رایگەیاند: رۆژی 25-شوبات لەناحیەی ژاراوەی سنوری قەزای پشدەر هاوڵاتیەكی تەمەن 42 ساڵ كوژراو هۆكاری كوشتنەكەشی دەگەرێتەوە بۆ دروستبونی گرژی لەئێوارەی رۆژی 24ی شوبات لەكاتی وەستان لەسەرەی بەنزین لەیەكێک لەبەنزینخانەكانی ناحیەی ژاراوە.

وتەبێژی پۆلیسی راپەرین ئاماژەی بەوەشدا پێنج كەس بەتۆمەتی كوشتنی ئەو هاوڵاتەی دەستگیركراون و لەئێستاشدا بەپێی ماددەی 406 لەیاسایی سزادانی عێراقی لێكۆڵینەوە لەگەڵیاندا بەردەوامی هەیە.

PUKmedia هونەر رەسوڵ- راپەرین