ئه‌نجومه‌نی سه‌ركردایه‌تی پرۆگرامی یه‌كێتی په‌سه‌ند كرد

.

كۆبوونه‌وه‌ی ئه‌نجومه‌نی سه‌ركردایه‌تی یه‌كێتیی نیشتمانیی كوردستان كۆتایی هات و به‌ زۆرینه‌ی ده‌نگی ئه‌ندامانی سه‌ركردایه‌تی پرۆگرامی حزب په‌سه‌ند كرا.

مسته‌فا چاوڕه‌ش ئه‌ندامی سه‌ركردایه‌تی یه‌كێتیی نیشتمانیی كوردستان دوای كۆتاییهاتنی كۆبوونه‌وه‌ی ئه‌نجومه‌نی سه‌ركردایه‌تی یه‌كێتی له‌ كۆنگره‌یه‌كی ڕۆژنامه‌وانیدا ڕایگه‌یاند: له‌ كۆبوونه‌وه‌كه‌ی ئه‌مڕۆدا پرۆگرامی یه‌كێتی به‌ زۆرینه‌ی ده‌نگ په‌سه‌ند كرا و هاوكاتیش ڕاپۆرته‌كه‌ی كاك كۆسره‌ت ڕه‌سوڵ بۆ كۆنگره‌ قسه‌ی له‌سه‌ر كرا و په‌سه‌ند كرا.

وتیشی: ده‌مانه‌وێت به‌شێك بین له‌ حكومه‌تی عیراق و دژایه‌تی ناكه‌ین و نامانه‌وێت حزبی كارتۆنی به‌ ناوی كورده‌وه‌ له‌ به‌غدا قسه‌ بكات.

مسته‌فا چاوڕه‌ش وتیشی: مه‌سعود بارزانی پێشتر پیرۆزبایی له‌ یه‌كێتی كردووه‌ و داواشی كردووه‌ بافڵ تاڵه‌بانی سه‌ردانی هه‌ولێر بكات بۆ به‌شداریكردن له‌ كۆبوونه‌وه‌یه‌كی گرنگ كه‌ سبه‌ی به‌ڕێوه‌ده‌چێت.

PUKmedia