قوباد تاڵه‌بانی سه‌ره‌خۆشی له‌ بنه‌ماڵه‌ی قادر به‌شدار ده‌كات

.

به‌هۆی كۆچی دوایی نووسه‌ر و شاعیر و كه‌سایه‌تی ناسراوی شاری كۆیه‌ قادر به‌شدار، قوباد تاڵه‌بانی پرسه‌نامه‌یه‌كی ئاراسته‌ كردووه‌ كه‌ ئه‌مه‌ ده‌قه‌كه‌یه‌تی:

به‌‌ڕێزان كه‌‌سوكاری سه‌‌ربه‌‌رزی خوالێخۆشبوو كاك قادر به‌‌شدار

ھاوڵاتیانی شاری كۆیه‌‌ی خۆشه‌‌ویست

به‌‌داخه‌‌وه‌‌، ھه‌‌واڵی كۆچی دوایی بێژه‌ر و نوسه‌ر و شاعیر و كه‌سایه‌تی ناسراوی شاری كۆیه‌ قادر به‌‌شدار-م بیست، به‌‌م بۆنه‌‌ خه‌‌مناكه‌‌وه‌‌ پرسه‌‌ و سه‌‌ره‌‌خۆشیتان ئاڕاسته‌‌ ده‌‌كه‌‌م و ھاوبه‌‌شی خه‌‌متانم.

خوالیخۆشبوو كاك قادر به‌‌شدار چه‌‌ندین جار ھاوكار و ھه‌‌ماھه‌‌نگمان بووه‌‌ له‌‌سه‌‌ردانه‌‌كانمان بۆ كۆیه‌‌ی خۆشه‌‌ویست و به‌‌وێنه‌‌ جوانه‌‌كانی و ھه‌‌ڵسه‌‌وكه‌‌وته‌‌كانی جێی خۆی له‌‌دڵی ھه‌‌موومان كردبویه‌‌وه‌‌‌. كاك قادر به‌‌ كامێراكه‌ی خزمه‌تێكی به‌رچاوی به‌شاری كۆیه‌ی كردووه‌‌ و له‌‌ده‌‌ستدانی خه‌مبارییه‌ بۆ ھه‌‌موومان.

له‌‌خوا داواكارم، جێگای كۆچكردوو به‌‌ھه‌‌شتی به‌‌رین بێت و سه‌‌بوری كه‌‌سوكار و ھاوڕێیان و خه‌‌ڵكی كۆیه‌‌ به‌‌گشتی بدات.

انا لله‌‌ وانا الیه‌‌ راجعون

قوباد تاڵه‌‌بانی

جێگری سه‌‌رۆكی ئه‌‌نجومه‌‌نی وه‌‌زیران

PUKmedia