بەوێنە .. فستیڤاڵێكی كلتوری بەڕێوەچوو

.

بەیانی ئەمڕۆ ئامادەیی ئیبراهیم ئەحمەد، لەكەلار، دووەمین ڤیستیڤاڵی كلتوری كە بەرهەمی كاری دەستی و نمایشكردنی كەلەپوری كوردی ئەنجامدا.

گەرمیان یاروەیس، بەڕێوبەری ئامادەیی ئیبراهیم ئەحمەد، تایبەت بۆ PUKmedia ی راگەیاند: هەموو ساڵێك بەپشتیوانی بەڕێوبەرایەتی پەروەردەی كەلارو هەوڵی مامۆستایان و خوێندكاران، لەهەر بوارێك لەبوارەكان بێت چالاكی جۆراوجۆر ئەنجام دەدەین، بۆ بەگەرخستنی تواناو ئەزمونی خوێندكارەكانمان.

وتیشی: ساڵی رابردوو، كەرنەڤاڵێكمان لەیادی روناكبیری گەورەی گەلەكەمان مامۆستا ئیبراهیم ئەحمەد ئەنجامدا، كەچەندین چالاكی لەبواری شیعرو چیرۆك و پێشانگای هونەری ئەنجامدرا، ئەمساڵ لایەنێكی تری كۆمەڵگەی كوردیمان خستەبەرچاو، ئەویش كەلتورو كەلەپوری نەتوەیمانە.

جەختیكردەوە: ئەمە دووەمین ڤیستیڤاڵی كلتوریە كە مامۆستایان و خوێندكاران بەهەماهەنگی و هەوڵی هاوبەش چەندین جۆری كەرەستەی كوردەواری و رەسەنایەتی نمایش دەكەن.

باسی لەوەشكرد: بەردەوام دەبین لەكارو چالاكیەكانمان، ئەوەشمان لەبیر نەچێت پەروەردەی كەلار زۆر پشتیوانیمان دەكەن و هاوكارمان بوون لەكارو چالاكیەكانمان.

PUKmedia    تایبەت