بافڵ تاڵەبانی: یەکێتی پارێزراو و یەکگرتوو دەبێت

.

بافڵ تاڵەبانی هاوسەرۆکی یەکێتی نیشتمانی کوردستان پەیامێک ئاڕاستەی کۆمەڵانی خەڵکی کوردستان دەکات و رایدەگەیەنێت: بەڵێنی یەکێتییەکی پارێزراو و یەکگرتوو و داهاتوویەکی گەشتان پێدەدەم.

لە پەیامێکدا کە پاشنیوەڕۆی ئەمڕۆ بڵاویکردەوە بافڵ تاڵەبانی هاوسەرۆکی یەکیتی نیشتمانی کوردستان وتی: ئەمەوێت بەڵێنی وەفاداری بۆ خوێنی شەهیدان و ڕێبازی مام جەلال دووپات بکەمەوە، شانازییەکی گەورە و ئەرکێکی قورسم پێسپێردراوە، سوپاسی هەموو ئەو هەڤاڵانە ئەکەم کە متمانەی خۆیان بە ئێمە بەخشی.

وتشی: لە ڕوانگەی خزمەتکردن بە کۆمەڵانی خەڵکی کوردستان و هەڤاڵان و لایەنگرانی یەکێتیی نیشتیمانی کوردستان ئەم ئەرکە ڕادەپەڕێنم و بەڵێنی یەکێتییەکی پارێزراو و یەکگرتوو و داهاتوویەکی گەشتان پێدەدەم.

PUKmedia تایبەت