خەڵاتی ئاڵتوونی دەبەخشرێتە خانەوادەی مامە ڕيشە

.

چوارشه‌ممه‌(19ی شوبات)به‌ئاماده‌بوونی سه‌ڵاح كوێخا سه‌رپه‌رشتیاری ئیداره‌ی گه‌رمیان و ژماره‌یه‌ك له‌به‌رپرسانی حكومی و حزبی و بنەماڵەو کەسوکار و هاوڕێ و هاوسەنگەرانی شەهیدان

له‌هۆڵی وه‌رزش و لاوانی كه‌لار یادی 31ساڵه‌ی کارەساتی ئەشکەوتی داری خلەو حەوتەوانەی شەهیدان(شه‌هید مه‌لائه‌حمه‌د و هاوڕیكانی) به‌ڕێوه‌چوو، مه‌راسیمه‌كه‌ له‌لایه‌ن ده‌سته‌ی گه‌نجانی گزنگه‌وه‌ ڕیكخرابوو،

كه‌تیایدا سه‌رگوزه‌شته‌ی ڕۆژانی خه‌باتی چه‌كداری و به‌توانایی ڕۆڵه‌ گیان له‌سه‌رده‌سته‌كانی گه‌رمیان و بڕیاری مانه‌وه‌یان له‌قوڵایی خاكی گه‌رمیاندا بۆ به‌گژاچونه‌وه‌ی ڕژێمی به‌عسی له‌ناوچوو له‌لایه‌ن هاوڕی و هاوسه‌نگه‌رانی شه‌هیدانه‌وه‌ گێردرایه‌وه‌

هه‌ر له‌و مه‌راسیمه‌دا ڕێزلێنانی تایبه‌ت پێشكه‌ش به‌خانه‌واده‌ی شه‌هیدان كرا و خه‌ڵاتی ئاڵتوونی ساڵانه‌ش تایبه‌ت به‌و مه‌راسیمه‌ به‌خشرایه‌ خاتوو(نیشتیمان)هاوسه‌ری شه‌هید مامه‌ڕیشه‌.

PUKmedia فۆتۆ: کاوە جاسم