پێشینه‌ی هاوسه‌رۆكانی یه‌كێتی

.

ئه‌نجومه‌نی سه‌ركردایه‌تی یه‌كێتیی نییشتمانیی كوردستان ئه‌مڕۆ 18-2-2020، له‌ كۆبوونه‌وه‌ی خۆیدا به‌ كۆی ده‌نگ، هه‌موواری په‌یڕه‌وی ناوخۆی یه‌كێتیی نیشتمانیی كوردستان-ی په‌سه‌ندكردو هه‌رله‌ كۆبوونه‌وه‌كه‌دا لاهور شێخ جه‌نگی و بافڵ تاڵه‌بانی به‌ هاوسه‌رۆكی یه‌كێتیی نییشتمانیی كوردستان هه‌لًَبژێردران.

لاهور شێخ جه‌نگی
 
*له‌ساڵی 1975 له‌دایك بووه‌

*ساڵی 1984 له‌گه‌ڵ خانه‌واده‌كه‌ی روویان له‌ناوچه‌ی گوێزیله‌ كردووه‌ و به‌شداری ڕاسته‌وخۆی شۆڕشی نوێی گه‌لی كوردیان كردووه‌

*له‌ناوچه‌ی هه‌ڵه‌دن به‌هۆی بۆردوومانی خوێندنگه‌كه‌یان له‌پرۆسه‌ی خوێندن داده‌بڕێت

*دواتر خانه‌واده‌كه‌ی ڕوویان له‌ئێران كردووه‌ و لاهور شێخ جه‌نگی بۆ ماوه‌ی دوو ساڵ له‌شاری ورمێ درێژه‌ی به‌پرۆسه‌ی خوێندن داوه‌

*له‌سه‌ره‌تای ساڵی نه‌وه‌ده‌كان ده‌چێته‌ وڵاتی به‌ریتانیا

*به‌هۆی لێهاتووی و زیره‌كی له‌به‌ریتانیا چه‌ند ساڵێك له‌خوێندن پێشده‌خرێت

*سه‌رۆك مام جه‌لال بۆ زۆرێك له‌دیدارو كۆبوونه‌وه‌ نێوده‌وڵه‌تیه‌كان و كۆبوونه‌وه‌ی

*وه‌فده‌ بیانیه‌كان لاهور شێخ جه‌نگی له‌گه‌ڵ خۆی بردووه‌

*له‌ساڵی 1999 بۆ 2002 جێگری نوێنه‌ری یه‌كێتی بووه‌ له‌ توركیا

*دوای گه‌ڕانه‌وه‌ی بۆ كوردستان به‌رده‌وام له‌نزیكی سه‌رۆك مام جه‌لال بووه‌

*دواتر ده‌گه‌ڕێته‌وه‌ هه‌رێمی كوردستان و له‌گه‌ڵ هێزه‌كانی ئه‌مریكا كار ده‌كات

*له‌هێرشی سوپای ئه‌مریكا بۆ له‌ناوبردنی رژێمی به‌عس و پرسی به‌ره‌نگاربوونه‌وه‌ی تیرۆر به‌رده‌وام له‌گه‌ڵ هێزه‌كانی ئه‌مریكا كاری كردووه‌

*له‌دوای سه‌رهه‌ڵدانی گروپی تیرۆرستی جندل ئیسلام هه‌ماهه‌نگی نێوان لاهور شێخ جه‌نگی و هێزه‌كانی ئه‌مریكا زیاتر ده‌بێت

*له‌پرۆسه‌ی ئازادی عیراق و كۆنترۆڵی شاری كه‌ركوك به‌هاوبه‌شی پێشمه‌رگه‌ و سوپای ئه‌مریكا رۆڵی گه‌وره‌ی هه‌بووه‌

*له‌دوای پرۆسه‌ی ئازادی عیراق به‌سه‌رپه‌رشتی هێزه‌كانی دژه‌ تیرۆر له‌كه‌ركوك و خورماتوو و ناوچه‌كانی در به‌رده‌وام بووه‌ له‌راوه‌دوونانی تیرۆرستان

*له‌دوای ساڵی 2003 و به‌پشتیوانی سه‌رۆك مام جه‌لال و هێزه‌كانی هاوپه‌یمانان لاهور شێخ جه‌نگی و بافڵ تاڵه‌بانی بۆ پاراستنی هه‌رێمی كوردستان و به‌ره‌نگاربوونه‌وه‌ی تیرۆر هێزی دژه‌ تیرۆر داده‌مه‌زرێنن

*به‌شداری چه‌ندین مه‌شق و ڕاهێنانی هێزه‌كانی ئه‌مریكای

*لاهور شێخ جه‌نگی له‌جه‌نگی دژ به‌تیرۆرستانی سه‌رپه‌رشتی ڕاسته‌وخۆی زۆرێك له‌ڕووبه‌رووبوونه‌وه‌كانی كردووه‌

*سه‌رپه‌رشتی كۆنترۆڵكردنه‌وه‌ی زۆرێك له‌ناوچه‌كانی هه‌رێمی كوردستان و ناوچه‌ جێناكۆكه‌كانی كردووه‌

*لاهور شێخ جه‌نگی به‌ئه‌ندازیاری دروستكردنی پردی په‌یوه‌ندی نێوان رۆژئاوای كوردستان و هێزه‌كانی ئه‌مریكا و هاوپه‌یمانی نێوده‌وڵه‌تی ده‌ناسرێت.

*چه‌ندین جار له‌كۆبوونه‌وه‌كانی له‌گه‌ڵ برێت مه‌كگۆرك نێرده‌ی پێشووی سه‌رۆكی ئه‌مریكا بۆ جه‌نگی داعش پێشنیاری داوای پاڵپشتی كردنی رۆژئاوای كوردستانی لێكردوون.

*له‌سه‌ر پێشنیاری لاهور شێخ جه‌نگی ئه‌مریكا بڕیاریدا كاروانی هاوكاری سه‌ربازی بۆ شه‌رڤانان ره‌وانه‌ بكات.

*له‌سه‌ر ئاستی حزبی له‌دوای نه‌خۆش كه‌وتن و كۆچی دوایی سه‌رۆك مام جه‌لال لاهور شێخ جه‌نگی هاوشان له‌گه‌ڵ بافڵ تاڵه‌بانی رۆڵی سه‌ره‌كی بینی له‌به‌هێزكردنه‌وه‌ی یه‌كێتی.

*به‌رده‌وام له‌هه‌وڵی بێوچاندا بوو بۆ یه‌كخستنه‌وه‌ی یه‌كێتی و به‌ستنی كۆنگره‌ی یه‌كێتی

 *رۆژی 18-2-2020 له‌گه‌ڵ بافڵ تاڵه‌بانی به‌ هاوسه‌رۆكانی (ی.ن.ك) هه‌ڵبژێردران


بافڵ تاڵه‌بانی
* بافڵ جه‌لال حیسامه‌دین تاڵه‌بانی

* ساڵی 1973 له‌ به‌غدا له‌دایكبووه‌

* بافڵ كوڕه‌ گه‌وره‌ی جه‌لال تاڵه‌بانی و ھێرۆ ئیبراھیم ئه‌حمه‌ده‌ و برای قوباد تاڵه‌بانییه‌

* به‌ناوی بافڵه‌كه‌ی چه‌می ڕێزانه‌وه‌ ناونراوه‌

* ژیانی منداڵی و گه‌نجێتی له‌ ماڵی برایم ئه‌حمه‌دی باپیری له‌ به‌ریتانیا به‌سه‌ر بردووه‌

* ته‌مه‌نی گه‌نجێتی زیاتر به‌ خوێندنه‌وه‌ و وه‌رزشه‌وه‌ به‌سه‌ر بردووه‌

* هاوسه‌ره‌كه‌ی ناوی لاڤه‌یه‌ و كچی مه‌لا به‌ختیاری ئه‌ندامی ئه‌نجوومه‌نی باڵای سیاسی یه‌كێتییه‌

* كوڕ و كچێكی هه‌یه‌ به‌ناوه‌كانی  كۆبان و له‌یلا

* زۆر كه‌م له‌ ته‌له‌فزیۆنه‌كانه‌وه‌ ده‌رده‌كه‌وێت و له‌باره‌ی ورده‌كاری ژیانیه‌وه‌ كه‌مده‌زانرێت

* به‌رپرسی نووسینگه‌ی سكرتاریه‌تی تاڵه‌بانی بووه‌

* ساڵی 1996 به‌شداری له‌ ڕاهێنانه‌كانی فه‌یله‌قی بیانی فه‌ره‌نسادا كردووه‌

* ساڵی 1998 یه‌كێك بووه‌ له‌ به‌ژداربووانی ڕاهێنانه‌ سه‌ربازییه‌كانی به‌ریتانیا

*ساڵی 2000 به‌شداری له‌ ڕاهێنانی هێزه‌ تایبه‌تییه‌كانی ئه‌مریكادا كردووه‌

* له‌ ئه‌مریكا و به‌ریتانیا ستراتیژی سیاسی خوێندووه‌

* یه‌كه‌مجار وه‌ك وه‌رگێڕ له‌گه‌ڵ هێزه‌كانی ئه‌مریكا گه‌ڕاوه‌ته‌وه‌ بۆ كوردستان

* له‌گه‌ڵ لاهور شێخ جه‌نگی ئامۆزای ده‌زگای دژه‌تیرۆری دامه‌زراندووه‌ وبه‌رپرسی كاروباری دژه‌تیرۆری كوردستان بووه‌

* له‌ دوای كۆچی دوایی مام جه‌لال گه‌ڕانه‌وه‌ی ته‌رمه‌كه‌ی بۆ شاری سلێمانی

* بافڵ تاڵه‌بانی زیاتر له‌ جاران ده‌ركه‌وته‌وه‌ و به‌ ئاڕاسته‌ی یه‌كخستنه‌وه‌ی ناوماڵی یه‌كێتی كاری ده‌كرد

* ده‌نگه‌ ناڕازییه‌كانی ناو یه‌كێتی و ده‌ره‌وه‌ی یه‌كێتی ئاشتكرده‌وه‌

* ڕۆڵی له‌ دانانی سه‌رۆككۆماری عێراقدا هه‌بووه‌

* تا كۆنگره‌ی چواره‌می یه‌كێتی هیچ پۆستێكی له‌ناو یه‌كێتیدا نه‌بووه‌

* هه‌ر له‌و كۆنگره‌یه‌دا به‌ 791 ده‌نگ به‌ ئه‌ندامی سه‌ركردایه‌تی هه‌ڵبژێردرا

* له‌ ١٨ ی شوباتی 2020 به‌ زۆرینه‌ی ده‌نگی ئه‌ندامانی ئه‌نجومه‌نی سه‌ركردایه‌تی له‌گه‌ڵ لاهور شێخ جه‌نگی به‌ هاوسه‌رۆكی یه‌كێتی هه‌ڵبژێردران

PUKmedia