لاهور شێخ جه‌نگی و بافڵ تاڵه‌بانی: یه‌كێتی ده‌كه‌ینه‌وه‌ به‌ یه‌كێتییه‌كه‌ی مام

.

پاش هه‌ڵبژاردنیان به‌هاوسه‌رۆكی یه‌كێتیی نیشتمانیی كوردستان هه‌ریه‌ك له‌ لاهور شێخ جه‌نگی و بافڵ تاڵه‌بانی ته‌ئكیدیان له‌سه‌ر به‌رده‌وام بوون له‌سه‌ر ڕێبازی سه‌رۆك مام جه‌لال و به‌هێزكردنه‌وه‌ی یه‌كێتی كرده‌وه‌.

لاهور شێخ جه‌نگی ڕایگه‌یاند:له‌سه‌ر ڕێبازی سه‌رۆك مام جه‌لال به‌رده‌وام ده‌بین و  ئه‌ركی ئێمه‌ له‌ دوای كۆنگره‌ ده‌ست پێده‌كات.

 وتیشی: یه‌كێتی هه‌وراز و نشێوی زۆری بینیوه‌ و ئه‌ركی هاوسه‌رۆكان ئاشتكردنه‌وه‌ی جه‌ماوه‌ر و یه‌كێتییه‌ و یه‌كێتی ده‌كه‌ینه‌وه‌ به‌ یه‌كێتی خزمه‌تكاری كوردستان.

له‌لایه‌ن خۆشییه‌وه‌ بافڵ تاڵه‌بانی ڕایگه‌یاند: به‌رده‌وام ده‌بین له‌ خزمه‌تكردنی زیاتری كۆمه‌ڵانی خه‌ڵكی كوردستان.

وتیشی: یه‌كێتی ده‌كه‌ینه‌وه‌ به‌ یه‌كێتییه‌كه‌ی مام و  جێگه‌ی متمانه‌ی هه‌موو یه‌كێتییه‌كان ده‌بین.

PUKmedia  تایبه‌ت