وەزارەتی دارایی: بۆ مووچە چاوەڕێی پارەكەی بەغداین

.

وەزارەتی دارایی هەرێم رایگەیاند: تائێستا پارەكەی بەغدا كە مووچەی فەرمانبەرانی پێدەدەن نەگەیشتوەتە هەرێم و  30 رۆژ جارێكیش مووچە دەدەن. 

ئەحمەد عەبدولڕەحمان وتەبێژی وەزارەتی دارایی و ئابوری حكومەتی هەرێمی كوردستان لە كۆنگرەیەكی رۆژنامەوانیدا رایگەیاند:دۆخی دارایی ئێستای هەرێم روونەو لەم كابینەیەی حكومەتدا هەموو 30 رۆژ جارێك فەرمانبەران مووچەیان وەرگرتوە.

لەبارەی گەیشتنی پارەكەی بەغداش بۆ مووچەی فەرمانبەران، رایگەیاند: تائێستا ئەو پارەیەی بەغدا كە بۆ مووچەیە نەگەیشتوەتە هەرێم.

وتەبێژی وەزارەتی دارایی هەرێم ئاماژەی بەوەشدا:بۆ پێدانی مووچەی پشت بە بەغداو داهاتی نەوتی هەرێم و ناوخۆ دەبەستن و  لەگەڵ وەزارەتی دارایی حكومەتی عیراقیش لە گفتوگۆدان بۆ چارەسەركردنی گرفتەكان.

PUKmedia تایبەت