ئۆغلۆ: ناكۆكییه‌كان له‌گه‌ڵ روسیا كاریگه‌ری له‌سه‌ر گرێبه‌ستی ئێس 400 نابێت

.

وه‌زیرانی ده‌ره‌وه‌ی توركیاو روسیا به‌پێویستی ده‌زانن ناكۆكی وڵاته‌كانیان له‌سه‌ر ره‌وشی ئیدلب كاریگه‌ری گرێبه‌ستی سیستمی ئێس 400 نه‌بێت.

مه‌ولود چاوش ئۆغلۆ وه‌زیری ده‌ره‌وه‌ی توركیا له‌كۆنفرانسی ئاسایشی میونشن رایگه‌یاند: ناكۆكییه‌كانی نێوان وڵاته‌كه‌ی و روسیا له‌سه‌ر دۆسیه‌ی "ئیدلیب" كاریگه‌ری له‌سه‌ر گرێبه‌ستی سیستمی (ئێس 400)-ی روسی نابێت و دوو بابه‌تی لێك جیان، وتیشی هه‌ڵوێستی ئه‌نقه‌ره‌ نه‌گۆڕه‌، له‌سه‌ر جێگیركردنی سیستمی دژه‌ مووشه‌كی(ئێس 400)-ی روسی له‌سه‌ر خاكی وڵاته‌كه‌ی. (مه‌ولود چاوش ئۆغلۆ) وتیشی پێوسته‌ مۆسكۆ رێگه‌ نه‌دات دۆسێی ئیدلیب زیان په‌یوه‌ندییه‌كانی نێوانیان بگه‌یه‌نێت.

له‌به‌رامبه‌ریشدا سێرگی لاڤرۆڤ وه‌زیری ده‌ره‌وه‌ی روسیا رایگه‌یاند: په‌یوه‌ندییه‌كانی نێوان مۆسكۆ و ئه‌نكه‌ره‌ باشه‌، به‌ڵام مه‌رج نییه‌ له‌سه‌ر هه‌موو بابه‌ته‌كان كۆكبن و رێككه‌وتنی له‌سه‌ر بكه‌ن، وتیشی به‌رژه‌وه‌ندییه‌كانمان له‌ سوریا له‌گه‌ڵ توركیا كۆمان ناكاته‌وه‌.

PUKmedia ئاژانسه‌كان