سزاكانی ئەمریكا نەوتی ئێران دەگەیەنێتە نزمترین ئاست

.

بەرپرسێكی باڵای سەربازی كۆماری ئیسلامی ئێران، بۆ یەكەمجار زانیاری لەسەر ناردەی نەوتی ئێران لەدوای سزاكانی ئەمریكا ئاشكرا دەكات.

لیوا یەحیا رەحیم سەفەوی راوێژكاری سەربازی رابەری شۆڕشی ئیسلامی ئێران رایگەیاندوە:" پێشتر ژمارەی دانیشتوانی ئێران 30 ملیۆن كەس بوو، 6 ملیۆن بەرمیل نەوت لەرۆژێكدا رەوانەی دەرەوە دەكرا، بەڵام ئێستا ژمارەی دانیشتوان گەیشتووەتە 80 ملیۆن و تەنها 700 هەزار بەرمیل نەوت بەرهەم دەهێنرێت".

سەفەوی وتووشیەتی:" حكومەت بەتەنیا ناتوانێت هەموو شتێك بەرامبەر بە  سزاكانی ئەمریكا بكات، بۆیە پێویستە خەڵكیش هاوكارو پشتیوانی حكومەت بێت". 

جەختیكردەوە:" پێویستە خۆڕاگربین و هەمووان بەیەكەوە دژ بە سزاكانی ئەمریكا بوەستینەوە".

 PUKmediaئاژانسەكان