سورداش.. تیمەكانی شارەوانی ئاسانكاری بۆ هاووڵاتیان دەكەن

.

تیمەكانی شارەوانی سوردان بەبەردەوامی لەهەوڵدان بۆ ئەوەی ئاسانكاری بۆ شۆفێران بكەن، تاكو بەهۆی ئەو سەرماو بەفربارینەی ناوچەكەی گرتووەتەوە روبەڕووی گرفت نەبنەوە.

 شێخ عه‌لی سەروكی شارەوانی سورداش بە PUKmedia ی ڕاگەیاند: ئەمڕۆ تیمەكانی سەرۆكایەتی شارەوانی سورداش وسەرگەڵوو بەهاوكاری كۆمپانیای شكار هەستاین بەپاكردنەوەوخوێ ڕشتن لە شەقامەكانی كۆتەڵ سورداش وهۆمەر قەوم شەدەڵە ومێرگەپان وشاخی دابان وسەرگەڵوو هەڵەدن.

وتیشی: تادرەنگانی شەو ئەوەی لەتوانای تیمەكانماندا بێت پاك كراوەتەوە ڕێگاكە بەڕوی شوفێراندا كراوەبوو.

رونیشكردەوە: بەهۆی ئەو شەپۆلە سەرماو بەفربارینەی ناوچەكەی گرتووەتەوە، بەبەردەوامی چاودێری دۆخەكە دەكەین و تەواوی هەوڵەكانمان بۆرێگەگرتن لەهەر حاڵەتێكی نەخوازراو دەخەینە گەر.

جەختیكردەوە: داواكارین لەشۆفێران لەسەرخۆبن و بەهێواشی لێبخوڕن بۆ ئەوەی دووربن لەرووداو گرفت.

PUKmedia بێستون شارەستێنی - دووكان