كەركوك.. موشەكێك ئاڕاستەی سەربازگەی كەی وەن دەكرێت

.

ئەمشەو موشەكێك ئاڕاستەی سەربازگەی كەی وەن لەكەركوك كراوە، كە هێزەكانی ئەمریكای تێدان.

سەرچاوەیەكی ئەمنی تایبەت بە PUKmedia ی راگەیاند: موشەكێك ئاڕاستەی سەربازگەی كەی وەن لە كەركوك كراوەو هیچ زیانێكی گیانی بەدواوەوە نەبووە.

وتیشی: سەربازگەی كەی وەن هێزەكانی ئەمریكای تێدان و پێشتریش چەند موشەكێك ئاڕاستەی ئەو سەربازگەیە كرابوون و بەو هۆیەوە خانەنشینێكی سەربازی ئەمریكای تێدا كوژرابوو.

ئەو سەرچاوەیە  رونیكردەوە: هێزەكانی ئەمریكا دەستیان بەسەر سەكۆی هەڵدانی موشەكەدا گرتووەو لەرێگەی فڕۆكەی جەنگیەوە چاودێری دەوروبەری سەربازگەكە دەكەن.

PUKmedia سامان یاروەیس