ئاسایش ده‌ستگیركردنی باندێكی گه‌وره‌ی راگه‌یاند

.

ئاسایشی رۆژئاوای سلێمانی ده‌ستگیركردنی باندێكی گه‌وره‌ی دزیكردن راده‌گه‌یه‌نێت، كه‌ له‌ نۆ كه‌س پێكهاتوون و چه‌ندین ئۆتۆمبێلی بێ سه‌ره‌تایان پێبووه‌.

ده‌قی راگه‌یه‌نراوه‌كه‌...

له‌درێژه‌ی هه‌وڵه‌كانی به‌ڕێوه‌به‌رایه‌تی ئاسایشی ڕۆژئاوای سلێمانی بۆ ڕوبه‌ڕوبونه‌وه‌ی تاوانباران و ده‌ستگیركردنیان له‌رۆژی 12شوباتی 2020 له‌ڕێگه‌ی به‌دواداچوون و سه‌رچاوه‌ نهێنیه‌كانی خۆمانه‌وه‌ توانیمان زانیاری ته‌واو به‌ده‌ستبهێنین و له‌ڕێگه‌ی هێزه‌كانمانه‌وه‌ باندێكی گه‌وره‌ی دزیكردن و دزینی ئۆتۆمبێل ده‌ستگیر بكه‌ین كه‌ چه‌ندین چه‌ك و كه‌ره‌سته‌ی سه‌ربازیان پێبووه‌ كه‌به‌مه‌به‌ستی ڕێگریكردن و هه‌ڵكوتانه‌ سه‌ر ماڵان و ئۆتۆمبێل به‌كاریان هێناوه‌.

له‌هه‌مان كاتدا سێ ئۆتۆمبێلیان پێگیراوه‌ كه‌ دوان له‌و ئۆتۆمبێلانه‌ جۆری تویتا لاندگرۆزه‌ری بێسه‌ره‌تان و بۆكاری دزیكردن به‌كاریان هێناوه‌، هه‌روه‌ها ئۆتۆمبێلێكی تری جۆری كیای گازیان پێ گیراوه‌ كه‌له‌هاووڵاتیه‌كیان دزیوه‌ .
له‌ئێستادا به‌بڕیاری دادوه‌رو به‌پێی مادده‌ی 441 له‌یاسای سزادانی عیراقی راگیراون و لێكۆلینه‌وه‌ له‌گه‌ڵیاندا به‌رده‌وامه‌ تا ئه‌و كاته‌ی له‌لایه‌ن دادوه‌ره‌وه‌ بڕیاری كۆتاییان له‌باره‌وه‌ ده‌درێت.

راگه‌یه‌نراوی راگه‌یاندنی ئاسایشی ڕۆژ ئاوای سلێمانی

PUKmedia تایبه‌ت