رووداوێكی هاتوچۆ له‌سه‌ر رێگای كه‌لار- سلێمانی روویدا

.

رووداوێكی هاتوچۆ له‌سه‌ر رێگای كه‌لار – سلێمانی روویداو به‌وهۆیه‌شه‌وه‌ كه‌سێك گیانی له‌ده‌ستداو چه‌ند كه‌سێكی دیكه‌ش برینداربوون.

 له‌و باره‌یه‌وه‌ رائید كارزان مه‌جید وته‌بێژی به‌ڕێوه‌به‌رایه‌تی هاتوچۆی گه‌رمیان تایبه‌ت به‌ PUKmedia ی راگه‌یاند: رووداوێكی هاتوچۆ له‌نێوان چوار ئۆتۆمبێلدا كه‌ له‌جۆره‌كانی ئاڵتیماو تانكه‌رێكی سوته‌مه‌نی و پاسێك بووه‌ له‌ناحیه‌ی باوه‌نوور له‌سه‌ر ڕێگای گشتی كه‌لار - سلێمانی  روویدا.

وتیشی: به‌پێی زانیارییه‌كان تائێستا كه‌سێك گیانی له‌ده‌ستداوه‌و 15 كه‌سی دیكه‌ش برینداربوون كه‌ سه‌رجه‌م برینداره‌كان و ئه‌و كه‌سه‌شی گیانی له‌ده‌ستداوه‌ خوێندكارن و له‌گوندی زه‌ماوه‌نگه‌ بۆ باوه‌نور ده‌ڕۆیشتن.

PUKmedia تایبه‌ت