مۆنالی گۆرانی عه‌شق بڵاوده‌كاته‌وه‌

.

هونه‌رمه‌ندی گۆرانیبێژ مۆنالی كه‌ هونه‌رمه‌ندێكی فارسه‌، بۆیه‌كه‌مجار گۆرانییه‌كی به‌ناوی ( عه‌شق) بۆ رۆژی ڤالاتین ئاماده‌كردوه‌و پێشكه‌شی به‌عاشقانی كوردستان و هه‌وادارانی میوزیكی كوردی ده‌كات.

هونه‌رمه‌ند مۆنالی كه‌ ماوه‌یه‌كی زۆر له‌ كوردستانه‌، به‌ ده‌نگه‌ به‌سۆزه‌كه‌ی كه‌ زۆربه‌ی گۆرانییه‌كانی فارسین و له‌زۆر شوێنی كوردستان گۆرانی ده‌ڵێت، ئه‌مجاره‌ بۆ یه‌كه‌مجار له‌گه‌ڵ تیمێكی پرۆفیشناڵ له‌ تاران گۆرانییه‌كی كوردی به‌ناوی ( عه‌شق ) تۆماركردوه‌و له‌ئه‌مڕۆوه‌ 13-2-2020   له‌ كه‌ناڵی یوتیوبی تایبه‌تی خۆی بڵاویده‌كاته‌وه‌و پێشكه‌شی عاشقان و هه‌وادارانی موزیكی كوردی ده‌كات.

ئه‌م تراكه‌ كه‌ یه‌كێكه‌ له‌ گۆرانییه‌كانی ئه‌لبوومه‌ نوێیه‌كه‌ی كه‌ ئه‌مساڵ بڵاویده‌كاته‌وه‌و ماوه‌كه‌ی 3:32 خوله‌كه‌ و رۆژێك پێش رۆژی ڤالاتین به‌به‌ربڵاوی بڵاوده‌كرێته‌وه‌.

تێكستی گۆرانی عه‌شق له‌لایه‌ن شاعیر سه‌لاح به‌هرامی دانراوه‌و كاری موزیكیش له‌لایه‌ن موزیكژه‌ن فه‌یزی دانراوه‌.

PUKmedia تایبه‌ت