یادی 50 ساڵەی دامەزراندنی یەكێتی نوسەرانی كورد كرایەوە

.

بەدروشمی (كاروانی بەخشش و داهێنان - یۆبیلی زێرینی یەكێتی نوسەرانی كورد)  بەئامادەبونی (حەمەی حەمە سەعید)وەزیری رۆشنبیری لاوان و دكتۆر (سالار عوسمان)بریكاری وەزارەت، و یەكێتی نوسەرانی كورد بەهەماهەنگی یادی 50 ساڵەی دامەزراندنی یەكێتی نوسەرانی كوردیان كردەوە.

سەرەتای مەراسیمەكە بە میوزیك و گۆرانی  دەستی پێكرد،دواتر چەند وتارێك پێشكەش كران،وتاری وەزیری رۆشنبیری و لاوان لە لایەن(حەمەی حەمە سەعید) وەزیری رۆشنبیری ولاوان پێشكەش كرا، تیایدا باسی لە كورتەیەك لە مێژوی یەكێتی نوسەرانی كورد كرد رایگەیاند، "نوسەرانی كورد رۆڵی گرنگ و كارایان هەبوە لەسەرجەم قۆناغەكانی بزاڤی رزگاریخواز و بەرهەمەكانیشیان بونە سەرمایەكی گرنگی نەتەوەیی". 

باسی لەوەشكرد، یەكێتی نوسەرانی كورد لە شاخ و لە شاریشدا رۆڵی بەرچاوی بینیوە لە هۆشیاری و رۆشنگەری و ئەو هەڵمەتەش بێبەش نەبوە لە گرفتەكانی كورد و دەیان قوبانیدانی هەبوە.

وەزیری رۆشنبیری رونیشیكردەوە، دو پرۆژەیان هەیە و كاری لەسەر دەكەن، كە هەردوكیان راستەوخۆ پەیوەندیان بە نوسەرانی كورد هەیە دوای وەرگرتنی رەزامەندی خزمەتی گەورە بە نوسەران دەكات ئەو دو پرۆژەیەش بریتین لە ئینسكلۆپیدیای كورد و كوردستان، وەرگێڕانی كتێبی نوسەرانی كورد بۆ سەر زمانە زیندوەكانی دونیا.

هەر لەمیانی وتارەكەشیدا وەزیری رۆشنبیری و لاوان پاڵپشتی سەرۆكی حكومەت و جێگری سەرۆكی حكومەتی دوپات كردەوە بۆ خزمەتی نوسەران.

دواتر پەیامی پیرۆزبایی  هەریەك لە (نێچیرڤان بارزانی)سەرۆكی هەرێمی كوردستان و (مەسرور بارزانی)سەرۆكی حكومەتی هەرێمی كوردستان لەلایەن دكتۆر سالار عوسمان بیریكاری وەزارەت پێشكەش كران.

پاشان خەڵاتی زێر  بەخشرایە ژمارەێك نوسەر و بنەماڵەی نوسەران.

PUKmedia  راگەیاندنی وەزارەتی رۆشنبیری