چلەی ماتەمینی ئاسۆ عومەر سوارە بەڕێوەدەچێت

.

چلەی ماتەمینی هونەرمەند و میدیاكار ئاسۆ عومەر سوارە لە سلێمانی بەڕێوە چوو.

سەعات 3:30 دەقیقەی پاشنیوەڕۆی ئەمڕۆ هەینی 7-2-2020، بەئامادەبوونی حەمەی حەمەسەعید وەزیری رۆشنبیری و لاوان و شاناز برایم ئەحمەد و رەهبەر سەید برایم ئەندامانی سەركردایەتی گشتی یەكێتی و مەلا بەختیار ئەندامی ئەنجومەنی باڵای سیاسی و بەرژەوەندی یەكێتی و نەرمین عوسمان و بەشێكی زۆر لە هونەرمەندان و سینەماكاران و بنەماڵە و كەسوكاری، لەهۆڵی تەلاری هونەر لە سلێمانی چلەی ژیانئاوایی هونەرمەند و میدیاكار ئاسۆ عومەر سوارە بەڕێوەچوو.

هەر ئەمڕۆش لە شەقامی قاسملۆ_دوو سایدی زەرگەتە باخچەی ئاسۆ عومەر سوارە كرایەوە.

ئاسۆ عومەر حاجی محەمەد قوربانی، پێنجوێنی، ناسراو بە ئاسۆ عومەر سوارە، زیندانی سیاسی، ئەكتەر، پێشكەشكار و شانۆكاری دیاری شاری سلێمانی و هەرێمی كوردستان، لە چەندین فیلم و درامای ناوداریی هەرێمی كوردستان بەشداریی كردووە و رۆڵێكی بەرچاوی لە پێشخستنی بەرهەمە هونەرییەكانی هەرێمی كوردستان هەبووە، لە ساڵی 1963 لەدایك بووە و لە تەمەنی 56 ساڵیدا لە رۆژی 30-12-2019 بە نەخۆشی كۆچی دوایی كرد.

PUKmedia تایبەت

فۆتۆ.. هەرێم نوری