دابونەریت خەونی هاوسەرگیریی باشوور و ڕۆژئاوا دەزڕێنێت

دابونەریت خەونی هاوسەرگیریی باشوور و ڕۆژئاوا دەزڕێنێت


30/1/2020 18:41:00
چاپ کردن
بە وێنەوە    بە بێ وێنە
           
.

گوڵی حەسەن خەڵكی ڕۆژئاوای كوردستانە، لەگەڵ كوڕێكی باشووری كوردستان هاوسەرگیریی كرد، بەڵام دابوونەریتی كۆمەڵایەتیی دوو ژینگەی جیاواز بەربەستی نێوان ئەو خێزانە بوو، بۆیە دوای سێ مانگ لە یەكتری جیابوونەوە و خێزانەكەیان هەڵوەشایەوە.

خێزانەكەی گوڵی لە ساڵی 2012ـەوە بە هۆی تێكچوونی ڕەوشی ڕۆژئاوا ڕوو لە هەرێمی كوردستان دەكەن و لە كامپی دۆمیز لە دهۆك نیشتەجێ دەكرێن، بەڵام ژیانێكی سەخت دەگوزەرێنن، بۆیە لە یەكێك لە مۆڵەكانی دهۆك  كارێك دەدۆزێتەوە و پاش ماوەیەك كوڕێكی دهۆك كە بە هەمان شێوە لەو مۆڵە كار دەكات داوای هاوسەرگیریی لێ دەكات، دوای ڕازیبوونی هەردووكیان و خێزانەكانیان، هاوسەرگیریی دەكەن.

گوڵی لەو ماوەیەدا تووشی بەریەككەوتنی كولتوور و دابونەریت دەبێت، ئەو وتی: ״باوەڕم نەدەكرد جیاوازیی دابونەریتی ڕۆژئاوا و باشوور كار بكاتە سەر ژیانی خێزانیمان، بەڵام دوای ماوەیەكی كەم بەریەككەوتن لە نێوان من و هاوسەرەكەمدا ڕووی دا و گەیشتە جیابوونەوە و تەنیا سێ مانگ پێكەوە بووین״.

״هێشتا كوردانی باشوور و ڕۆژئاوا شارەزای دابونەریتی یەكتری نەبوون، بۆیە خزمی دیكەیشمان هەیە كە بە هەمان شێوە بە هۆی هاوسەرگیرییەوە تێكەڵی خەڵكی باشوور بوون، بەڵام ئەو هاوسەرگیرییانە زۆربەیان بە جیابوونەوە كۆتایی هاتووە و هۆكارەكەش قبووڵنەكردنی دابونەریتی یەكتری و دەستوەردانە״، گوڵی وای وت.

بەریەككەوتنی دابونەریتی كۆمەڵایەتی وای كردووە ژن و ژنخوازی لە نێوان كوردانی ڕۆژئاوا و باشووری كوردستان ڕوو لە لاوازی بكات، بە تایبەتی لە سنووری پارێزگای دهۆك بەو پێیەی زۆربەی كەمپی ئاوارەكان لەو سنوورەن.

ڕائید ئارام محەمەد، بەڕێوەبەری تووندوتیژیی دژی ژنان لە دهۆك وتی: ״ئێستا ژن و ژنخوازی لە نێوان كوردانی ڕۆژئاوا و باشوور كەمی كردووە بە هۆی دابونەریتەوە، بەبەردەوامیش لە ڕێی تیمەكانمانەوە لەناو كەمپەكان و دەرەوەی كەمپەكان هۆشیاری بە كوڕان و كچان دەدەین لە بارەی هاوسەرگیرییەوە״.

״جیابوونەوەی ئەو كەسانە لە دادگا یەكلایی دەكرێتەوە، بەڵام تا ڕادەیەك ئێستا باشترە بە بەراورد بە سەرەتای هاتنی ئاوارە و پەنابەران بۆ باشوور״، ڕائید ئارام وای وت.

بە گوێرەی ئامارێك لە دادوەریی هەرێم، تەنیا لە نۆ مانگی ساڵی ڕابردوودا (8381) حاڵەتی جیابوونەوەی هاوسەرگیری لە هەرێمی كوردستان تۆمار كراوە و لەو ژمارەیەش (1129) حاڵەتیان لە پارێزگای دهۆك بووە، كە دەكاتە زیاتر لە 152 حاڵەت بۆ هەر مانگێك و لە هەر ڕۆژێكیشدا زیاتر لە 4 خێزان هەڵوەشاوەتەوە.

عاسیمە زێباری، پسپۆڕ و چالاكوانی كۆمەڵایەتی لە دهۆك وتی: ״دابونەریتی پارچەكانی كوردستان لە یەكتری جیاوازن، هەروەها تێكەڵبوونی خێزانەكان لە نێوان باشوور و ڕۆژئاوا بە تایبەت لە سنووری دهۆك نوێیە و لە دوای تێكچوونی ڕەوشی ڕۆژئاوا و كەمپەكانەوە درووست بووە و چەندین كچ و كوڕ هاوسەرگیرییان كردووە، بەڵام بە هۆی جیاوازیی دابونەریت و ئاشنانەبوونەوە گۆڕاون بۆ جیابوونەوە و چەندین ڕووداوی نەخوازراویش ڕوویان داوە بە تایبەتی تەڵاق״.

״پێویستە ژیانی هاوسەرگیری ئەقڵانی و تەندروست بێت و لەوە زیاتر بێت كە دابونەریتی جیاواز ببێتە هۆكاری جیابوونەوە و لێكترازانی خێزان״، عاسیمە زێباری وای وت.

شوكری حەسەن، كوڕێكی ڕۆژئاوای كوردستانە و نیشتەجێی دهۆكە و دوو ساڵە هاوسەرگیریی لەگەڵ كچێكی زاخۆ كردووە وتی: ״دابونەریتی هەردوولامان جیاوازە، ماوەی دوو ساڵە هاوسەرگیرییمان كردووە و منداڵێكیشمان هەیە، سەرباری ئەو جیاوازیی نەریتە هەوڵ دەدەین كاریگەریی لەسەر ژیانی هاوسەرگیریمان نەكات، چونكە دابونەریتی هەردووكمان كوردەوارییە و نابێت بگاتە لێكترازان״.

دادگای دهۆك ئاماری هاوسەرگیری و تەڵاق بەبێ جیاوازی تۆمار دەكات و بە گوێرەی ئاماری نۆ مانگی، پڕۆسەی هاوسەرگیری لە دهۆك 8322 حاڵەت بووە و جیابوونەوەش 1129 حاڵەتە، لەسەر ئاستی هەرێمیش هاوسەرگیری 32432 حاڵەتە و جیابوونەوەش 8381 حاڵەت بووە.

بێوار دڵخواز، بەرپرسی ڕاگەیاندنی دادگای دهۆك وتی: ״تۆماركردنی ئامارەكان هیچ جیاوازی ناكات لە نێوان باشوور و ڕۆژئاوا، بۆیە بەشێك لەو جیابوونەوەی هاوسەرگیرییانەی تۆمار كراون، كوردی ڕۆژئاوای كوردستان و باشوورن كە پڕۆسەی هاوسەرگیرییان كردووە و جیابوونەتەوە״.

هەندێك لەو ژن و مێردانەی لە نێوان باشوور و ڕۆژئاوا خێزانیان پێك هێناوە و دواتر جیابوونەتەوە، منداڵ لە نێوانیاندا هەیە، بەڵام بە گوێرەی یاسای باری كەسێتیی عێراقی مامەڵەیان لەگەڵ دەكرێت.

نەوزاد سەعید، پارێزەر لە دادگای دهۆك وتی: ״بەبێ جیاوازی لە دادگادا هاوشێوەی هاووڵاتییانی عێراق مارە دەبڕدرێت لەگەڵ  كەسێكی بیانی و لە كاتی جیابوونەوەش وەك عێراقییەك مافەكانیان بۆ دیار دەكرێت و ئەگەر منداڵیان هەبوو دەبێت باوك تەواوی خەرجی لە ئەستۆ بگرێت تا تەمەنی دەگاتە 18 ساڵ״.

PUKmedia ئاژانس

وێنە هەواڵ
  • image04
  • كۆبوونەوەی سەركردایەتی یەكێتی

  • image04
  • كۆبوونه‌وه‌ی ئه‌نجومه‌نی وه‌زیران

  • image04
  • كۆبوونەوەی لایەنە سیاسییەكان و سێ سەرۆكایەتییەكە هەرێم

  • image04
  • وه‌فدی حزیه‌ كوردستانییه‌كان له‌به‌غداوه‌ گه‌ڕانه‌وه‌ی هه‌ولێر

  • image04
  • مەراسیمی 32هەمین ساڵیادی ئەنفالی یەكی دۆڵی جافایەتی

  • image04
  • قوباد تاڵه‌‌بانی پێشوازی له‌‌ عوسمان بایده‌میر ده‌كات

  • image04
  • لاهور شێخ جه‌نگی و بافڵ تاڵه‌بانی به‌ هاوسه‌رۆكی یه‌كێتی هه‌ڵبژێردران

  • image04
  • تەقینەوەیەك لە پاكستان 10 كوژراوی لێدەكەوێتەوە


                                           

ژنه‌ كوردێك ده‌بێته‌ ئه‌ندامی ڕێكخستنی ڕێوڕه‌سمی ڕۆژی جیهانی ژنان


بۆ به‌رز ڕاگرتنی بۆنه‌ی 8 ی مارس و رۆژی جیهانی ژنان،  لێژنه‌ی ئاماده‌كار و ڕێكخستنی ڕێوڕه‌سمی رۆژی جیهانی ژنان، ڕۆژی 26/2/2020 ل...


  كۆمیتەی دانیمارك ئامادەكاری بۆ یادە نەتەوەییەكان دەكات
  کوردناسێکی فینلەندی دووەم کتێبی لەسەر کەرکوک دەنوسێت
                                           

44 ساڵ لەمەوبەر کتێبخانەیەک سلێمانی روناککردەوە


44 ساڵ لەمەوپێش كتێبخانەیەك بوە روناككەرەوەی شاری سلێمانی، پرشنگی رەنگاوڕەنگی بەهەموو لایەكی شاردا نەخشاند و پەیامی زانست و رۆشنبیری پێبوو، ئەویش كتێبخانەی پەیامە، ئەم كتێبخانەیە دەكەوێتە...


  لاهور شێخ جه‌نگی: بۆ كۆنگره‌ له‌گه‌ڵ لێكتێگه‌یشتندام
  عومەر شێخ موس: سەركردایەتیی كورد لەسیاسەت تێ نەگەیشتووە
                                           

كۆرۆنا دەمامك لە هەرێم قاتی دەكات

ڤایرۆسی كۆرۆنا لە چینەوە سەریهەڵداوە و لە هەرێمی كوردستانیش قەیرانی دەمامكی درووست كردووە، بە جۆرێك نرخەكەی 550% زیادی كردووە، پاكەتێك لە 50 سەنتەوە بۆ 7 دۆلار بەرز بووەتەوە، هەروەها خواس...


  کۆرۆنا 51 وڵات دەگرێتەوە
  وه‌زیری ڕۆشنبیری ئه‌ستێره‌كانی كه‌لار ده‌پارێزێت


کاریکاتێر