وەزیری رۆشنبیری و لاوان: هەرێمی كوردستان نمونەیەكی جوانی پێكەوە ژیانە

.

بەمەبەستی بەسەر كردنەوەو لەنزیكەوە ئاگاداربوون لە كار و چالاكیەكانیان ئەمرۆ ۲۹-۱-۲۰۲۰ حەمەی حەمە سەعید وەزیری رۆشنبیری و لاوان و وەفدی یاوەری سەردانی بەرێوبەرایەتی گشتی ڕۆشنبیری و هونەری توركمانیان كردو لەلایەن گەیلان ئاڵتی بەرماخ بەرێوبەری گشتی رۆشنبیری و هونەری توركمانی و كارمەندانی بەرێوبەرایەتیەكە پێشوازیان لێكرا.

لەسەرەتادا وەزیری رۆشنبیری و لاوان لەگەڵ بەرێوبەر و كارمەندانی بەرێوبەرایەتیەكە كۆبۆوە گوێی گرت لە كێشەو گرفت و بەربەستەكانی بەردەم كارەكانیان پاشان چەند پێشنیارێك بۆ باشتر كردن و بەرەو پێشبردنی كارەكان خرانەڕو،هەرلەمیانی گفتوگۆكاندا وەزیری رۆشنبیری و لاوان رایگەیاندن هەرێمی كوردستان نمونەیەكی جوانی پێكەوە ژیانی سەرجەم پێكهاتەكان بووە بەدرێژایی مێژوو بۆیە بەبێ جیاوازی خزمەتی رۆشنبیران و لاوان دەكەین و پاڵپشتیان بە ئەركی خۆمان دەزانین،هاوكات وتیشی بەپێی توانای وەزارەت هاوكار و پاڵپشتی بەرێوبەرایەتیەكەتان دەبین.

پاشان  بەشەكانی بەرێوبەرایەتیەكەی بەسەر كردەوە دواتر وەزیری رۆشنبیری و لاوان سەردانی قەڵای هەولێر كرد و لەلایەن نیهادقۆجە سەرۆكی كۆمسیۆنی باڵای بوژاندنەوەی قەڵای هەولێر پێشوازی لێكراهەر لەسەر قەڵای هەولێر وەزیری رۆشنبیری و لاوان هەریەك لە مۆزەخانەی هەولێربۆبەردوگەوهەرەكان   پێشانگای مافوری دەست كردئەنتیكە خانەی قەڵا مۆزەخانەی رستن و چنینی كوردەواری بەسەر كردەوە و لەلایەن بەرێوبەر و سەرپەرشتیارانی ئەو شوێنانە پێشوازی لێكرا.

PUKmedia راگەیاندنی وەزیری رۆشنبیری حكومەتی هەرێمی كوردستان