پەیوەندی نێوان هەرێم و رۆژئاوا تاووتوێدەكرێت

.

پێش نیوەرۆی ئەمڕۆ ٢٩-١-٢٠٢٠ سەعدی ئەحمەد پیرە  لە بارەگای مەكتەبی سیاسی لە شاری هەولێر پێشوازیكرد، لەوەفدێكی  یەكێتی كوردستانی - سوڕیا كە پێكهاتبوون لە ئیبراهیم خەلیل برۆ ئەندامی مەكتەبی سیاسی ، نەواف حەسەن ڕەشیدئەندامی مەكتەبی سیاسی و لێپرسراوی نوسینگەی یەكێتی كورستانی - سوریا لە هەرێمی كوردستان .

لە دیدارێكی نێوان هەردوولادا سەرەتا ئیبراهیم خەلیل برۆ  پیرۆزبایی لە یەكێتی نیشتمانی كوردستانكرد بەبۆنەی كۆتاییهاتنیكارەكانی كۆنگرەی چوارەمی یەكێتی نیشتمانی كوردستان ، هیوای خواست یەكێتی نیشتمانی كوردستان ڕۆڵێكی زیاتر ببینێت لە ناوچەكە

هەر لەو دیدارەدا  دواین پێشهات و گۆڕانكارییەكانی عیراق و هەرێمی كوردستان و ناوچەكە خرانە بەرباس و گفتوگۆیان لەبارەوەكرا ،بەتایبەت بارودۆخی سوریا و پەیوەندی نێوان رۆژئاوا و هەرێمی كوردستان لە لایەك و چۆنیەتی مامەڵەكردنی هێز و لایەنە سیاسییەكانلەگەڵ ناوچە ئازادكراوەكانی ژێر دەستی تیرۆرستانی  داعش لەلایەكی تر .

دواتر وەفدی میوان ستایشی رۆڵ و پشتیوانی هەمیشەی یەكێتی نیشتیمانی كوردستان-یانكرد لە خەباتی دیموكراسی و ئازادیخوازانەیكورد لە سوریا بەگشتیی و ئاماژشیانكرد بۆ ئەو پشتیوانییە مێژووییەی یەكێتی نیشتیمانی كوردستان كە بە ئومێدی یەكڕیزی هێزەكوردستانییەكان و قوڵبوونەوەی هاوخەباتی هاریكاریی راستەوخۆی نێوانیانە ، بەئامانجی شادبوون بە مافی دیموكراسی و نەتەوەیی، لە درێژەی دیدارەكەدا گفتوگۆكرا لەبارەی پەیوەندییەكانی نێوان هەردوولاو پەرەپێدانی زیاتری پەیوەندییەكان بەئاراستەی پتەوكردن وگەشەسەندنی زیاتر.

PUKmedia  دەرباز ستار