شه‌ممه‌ په‌یڕه‌وی یه‌كێتی ده‌برێته‌ ئه‌نجومه‌نی سه‌ركردایه‌تی گشتی

.

ئه‌ندامێكی ئه‌نجومه‌نی سه‌ركردایه‌تی گشتی یه‌كێتیی نیشتمانیی كوردستان ڕایگه‌یاند: ڕۆژی شه‌ممه‌ په‌یڕه‌وی ناوخۆ ده‌خرێته‌ به‌رده‌م ئه‌ندامانی ئه‌نجومه‌نی سه‌ركردایه‌تی گشتی یه‌كێتیی نیشتمانیی.

ڕه‌هبه‌ر سه‌ید برایم ئه‌ندامی ئه‌نجومه‌نی سه‌ركردایه‌تی گشتیی یه‌كێتیی نیشتمانی كوردستان تایبه‌ت به‌ PUKmedia ی ڕایگه‌یاند: هه‌رچه‌ند بڕیار بوو ئه‌مڕۆ چوارشه‌ممه‌ ئه‌نجومه‌نی سه‌ركردایه‌تی گشتی كۆببێته‌وه‌، به‌ڵام كۆبوونه‌وه‌كه‌ به‌هۆی كێشه‌ی ته‌كنیكییه‌وه‌ دواخرا بۆ ڕۆژی شه‌ممه‌ی ئاینده‌.

وتیشی: هه‌مواركردنه‌وه‌ی په‌یڕه‌وی ناوخۆ ته‌واو كراوه‌ و ڕۆژی شه‌ممه‌ ئه‌نجومه‌نی سه‌ركردایه‌تی گشتی یه‌كێتی كۆده‌بێته‌وه‌.

پێشتریش مسته‌فا چاوڕه‌ش ئه‌ندامی ئه‌نجومه‌نی سه‌ركردایه‌تی گشتی یه‌كێتیی نیشتمانیی كوردستان ڕایگه‌یاندبوو كه‌ كۆبوونه‌وه‌ی ئه‌نجومه‌نی سه‌ركردایه‌تی گشتی بۆ ڕۆژی شه‌ممه‌ 1-2-2020 دواخراوه‌.

PUKmedia  تایبه‌ت