لیژنەی پەیڕەوی ناوخۆ سەردانی ئارامگای مام_یان کرد

.

ئەمڕۆ ٢٨-١-٢٠٢٠، دوای دوانزە کۆبوونەوە و ۷۱ ساعات سەرقاڵبوون بەکاری بەردەوام و تەواوکردنی پێداچوونەوە پڕۆژەی پەیڕەوی ناوخۆی کۆنگرەی چوارەمی (ی.ن.ک)، ئەندامانی لیژنەکە سەردانی ئارامگای سەرۆک مام جەلال-یان کرد.

فەرید ئەسەسەرد، لەجیاتی ئەندامانی لیژنەی پێداچوونەوەی پەیڕەوی ناوخۆی یەکێتی، لەبارەی تەواوکردنی کارەکانیان وەک لیژنەی ڕاسپێردراوی ئەنجومەنی سەرکردایەتی گشتی یەکێتی بۆ پێداچوونەوە بە پەیڕەوەکە، دەڵێت : پاش تەواوکردنی ئەو پەیڕەوە کە پەیکەرێکی تازەی سەردەمیانە بۆ یەکێتی دەستەبەردەکات، بەپێویستمانزانی بێینە سەر ئارامگای دامەزرێنەری حزبەکەمان و ئەم هەواڵەی پێڕابگەیەنین.

ئاماژە بەوەشدەدات کە ئومێدێکی زۆریان هەیە کە بەم پەیڕەوە تازە، گەشەیەکی بەرچاو بۆ یەکێتی دابین بکەن.

PUKmedia تایبەت