د.دارا: پێویستمان بە ئاماری دروست و زانیاری وورد هەیە

.

وەزیری پلاندانانی حكومەتی هەرێم دەڵێت هەنگاوەكانی داهاتوومان رێكخستنەوەی ئامار و داتایی دروستە لەدامەزراوەكانی حكومەت بۆئەوەی بتوانین میكانیزمەكانی جێبەجێ كردنی پرۆژەكان و دانانی پلانی ستراتیژی دابرێژین. ئەم ووتانەی وەزیری پلاندانان لەچوارچێوەی سەردانێكی مەیدانی هات كە ئەمرۆ سێ شەمە 28-1-2020 دەستەی ئاماری هەرێمی كوردستانی بەسەركردەوە"لەو سەردانەیدا بریكار و بەێوەبەری گشتی دیوانی وەزارەت ئامادەیی بوون" لەكێشەو گرفتەكانی ئەو دەستەی كۆڵیەوە و ستایشی ئەرك و كارەكانی لێكردن.

لەكۆبونەوەیەكیدا لەگەڵ بەرێوەبەری و كارمەندانی دەستەی ئاماری هەرێم وەزیری پلاندانان ڕای گەیاند بۆ حكومەتی هەرێم ئامار و داتایی دروست گرنگە بەتایبەت ئیستا هەواڵەكان چركراونەتەوە بۆ ئەنجامدانی سەرژمێری گشتی لەعێراق و هەرێمی كوردستان ئێمەش وەك وەزارەت گرنگی زۆر بەو دەستەیە دەدەین هاوكات رۆڵ و گرنگی ئەو داتا و زانیاری وئامارانەش گرنگن كە لەو دەستەیە بڵاودەكرێنەوە بەتایبەت لەبوژاندنەوەی ژێرخانی ئابوری هەرێم و گەشەپێدانی سێكتەرەكانی پیشەسازی و كشتوكاڵ و وەبەرهێنان.

لەبەشێكی تری كۆبونەوەكە وەزیری پلاندانان داوای كرد هەوڵی جدیی بدرێت بۆ پتەوكردنی پەیوەندیەكانی نێوان بەرێوەبەرایەتیەكانی ئاماری دامەزراوەكانی حكومەت و دەستەی ئامار بۆئەوەی بتوانرێت كەم و كوری و ئاستەنگەكانی چارەسەربكەین بەتایبەت لەدیاری كردنی رێژەی هەژاری و بێكاری و ژمارەی ئەو ئاوارە وپەرنابەرانی روویان لەهەرێم كردوە.

لەكۆتایش بەشەجیاجیاكانی دەستەی ئاماری بەسەركردەوە لەنزیكەوەی گوێبیستی داواكاری فەرمانبەرانی ئەو دەستەیەبوو.

PUKmedia   راگەیاندنی وەزارەتی پلاندانان