كچان دڵیان لەسەر مەزارگەكان دەكەنەوە

كچان دڵیان لەسەر مەزارگەكان دەكەنەوە


27/1/2020 11:50:00
چاپ کردن
بە وێنەوە    بە بێ وێنە
           
.

مەزارگەی شێخ و پیاوچاكانی هەرێم، دەبێتە شوێنی پاڕانەوە و بە مرازگەیشتی ئەو ژن و كچانەی هانایان بۆ دەبەن، یاخود بۆ چارەسەری كێشە كۆمەڵایەتییەكانیان دەچنە مەزارگە ناودارەكان.

چاوان عەزیز، ناوی خوازراوی كچێكی تەمەن 29 ساڵە و دانیشتووی سلێمانییە، لەگەڵ كوڕێكدا بەنیازی هاوسەرگیرین، بەڵام ڕێگرییەكیان هەیە رایگەیاند: بۆم دەركەوت دایكی ئەو كوڕەی خۆشم دەوێ ڕێگرە لە بەردەم هاوسەرگیرییەكەمان، بۆیە پەنام بردە مەزارگەی عەوەڵان، چونكە متمانەم بەو مەزارگە پیرۆزە هەبوو.

بە گوێرەی ئامارێك كە لە وەزارەتی ئەوقاف و كاروباری ئایینیی حكومەتی هەرێم وەرگیراوە، زیاتر لە 400 مەزارگەی ئایینەكان لە هەرێمی كوردستان هەن، كە دابەش بوون بەسەر پارێزگاكاندا.

بە پێی ئەو ئامارەی لە بارەی مەزار و مەرقەدی پیاوچاكانەوە هەیە، لە سلێمانی ناودارترینیان مەزارگەی كاك ئەحمەدی شێخ، شێخ مارف، مەزارگەی عەوەڵان لە گوندی عەوەڵانی سەر ڕێگەی چەمی ڕێزان و پیرمەسوورە كە زۆرترین كەس سەردانیان دەكەن.

چاوان وتیشی: لەگەڵ پورزایەكم چەند جارێك سەردانی مەزاری عەوەڵانم كردووە و داوای حاسڵبوونی ئاواتەكەم كردووە تا ڕێگریی نێوانمان نەمێنێت، دایكی ئەو كوڕەش دڵی نەرم بێت و هاوسەرگیریی بكەین ئێستاش چاوەڕوانم.

لە هەولێر و دەوروبەریشی چەندین مەزارگەی لێیە، كە دیارترینیان مەزارگەی سوڵتان موزەفەر و شێخی چۆڵییە.

تارا حەمید، ژنێكی تەمەن 35 ساڵە و خەڵكی هەولێرە رایگەیاند: شەش ساڵە هاوسەرگیریم كردووە و بە ئاواتی منداڵێكەوەم كە خوای گەورە پێم ببەخشێت، بۆیە چەندین جار پەنام بردووەتە بەر مەزارگە ئایینییەكان و دۆعای مناڵم كرد، دواجار بە فەزڵی خوا كچێكمان بووە، ئێستاش لە سەردانكردنیان بەردەوامم.

لە دهۆك و دەوروبەریشی، شێخی بوودران بەناوبانگترینیانە و خەڵك بۆ مرازی دڵیان سەردانی دەكەن، هەروەها لە كەركوكیش، دیارترینیان مەزارگەی دانیاڵ پێغەمبەر و مەرقەدی ئۆرمەندانە، لە سنووری پارێزگای هەڵەبجەش دیارترینیان مەزارگەی شێخانی بیارە و عەبابەیلێن.

د.موحەمەد عەبدوڵڵا پێنجوێنی، سەرۆكی لیژنەی فەتوا لە سلێمانی رایگەیاند: مەزارگەی ئەو پیاوچاكانە جێگەی ڕێز و تەقدیرن، ئەركە ئایینییەكانی خۆیان لە دونیادا كۆتایی هاتووە و پاداشتیان لای خودایە، ئەگەر كەسێك بەو شێوەیە بچێتە سەر مەزاری پیاوچاكێك و كاری بۆ ڕێك بخرێت و بڵێت خوایە لەبەر خاتری چاكەی چاكەكاران و خۆشەویستیی پیاوچاكان ئەوەمان بۆ بكە، ئەوە زانایانی ئەهلی فیقه ڕێگەیان پێ داوە و كێشەی نییە، بۆیە دەبێت  بزانین بۆچی؟ و چۆن دەڕۆینە سەر ئەو مەزارگە ئایینییانە.

لە ڕووی شەرعەوە داواكردن لە خاوەن گۆڕەكە، كە كارت بۆ بكات یان كێشەت بۆ چارەسەر بكات، بە هیچ شێوەیەك درووست نییە و ناشەرعی و حەرام و هاوبەشیكردنە بۆ خودا، د.موحەمەد عەبدوڵڵا پێنجوێنی وای وت.

توێژەرێكی كۆمەڵایەتیش هۆكاری ئەو پەیوەستبوونە و سەردانی خەڵك بۆ سەر مەزارگەی ئایینی بۆ ئەوە دەگێڕێتەوە كۆمەڵگەكە لەژێر كاریگەریی ئیسلامدایە.

شنیار جەمال، توێژەری كۆمەڵایەتی رایگەیاند: كۆمەڵگەی كوردەواری مسوڵمانە، بۆیە زیاتر باوەڕ و نزیكبوونەوەی لە مەزارگە ئایینییەكاندا ڕەنگی داوەتەوە.

وتیشی: جگە لە ژن و كچانیش، پیاوانیش دەچنە ئەو شوێنانە، هەرچەندە لەچاو ڕابردوودا ئەم دیاردەیە كاڵترە، بەڵام لەگەڵ ئەوەشدا خەڵك هەر دەچن و زیاترش ژنان و كچان باوەڕیان بەو جۆرە دۆعا و سەردانانە هەیە.

نەبەز ئیسماعیل، وتەبێژی وەزارەتی ئەوقاف و كاروباری ئایینیی هەرێم راگەیاند: بەو پێیەی چەندین ئایینی جیاواز لە كوردستاندا هەیە، مەزارگەیەكی زۆریشی لێیە كە ژمارەیان دەگاتە 400 مەزارگە و بەسەر چەندین ئاییندا دابەش بوون.

PUKmedia لە ئاژانسەوە

 

وێنە هەواڵ
  • image04
  • وه‌فدی حزیه‌ كوردستانییه‌كان له‌به‌غداوه‌ گه‌ڕانه‌وه‌ی هه‌ولێر

  • image04
  • مەراسیمی 32هەمین ساڵیادی ئەنفالی یەكی دۆڵی جافایەتی

  • image04
  • قوباد تاڵه‌‌بانی پێشوازی له‌‌ عوسمان بایده‌میر ده‌كات

  • image04
  • لاهور شێخ جه‌نگی و بافڵ تاڵه‌بانی به‌ هاوسه‌رۆكی یه‌كێتی هه‌ڵبژێردران

  • image04
  • تەقینەوەیەك لە پاكستان 10 كوژراوی لێدەكەوێتەوە

  • image04
  • یەكەم هاوسەرگیری كچ و كچ لە ئێرلەندا

  • image04
  • دوای چه‌ندین ساڵ به‌فر له‌به‌غدا باری

  • image04
  • تاڤگەی سەهۆڵ


                                           

کوردناسێکی فینلەندی دووەم کتێبی لەسەر کەرکوک دەنوسێت


نوسەرێکی کوردناسی فینلەندی کتێبی دووەمی خۆی لەسەر کەرکوک بڵاودەکاتەوە.

کریستینا کۆیڤونێن ژنە نوسەری کوردناسی فنلەندی کتێبی دووەمی خۆی بە ناونیشانی کەرکوک شاری بابەگورگوڕ...


  دانیمارك.. سیمینارێك له‌ شاری هۆڕسنس به‌ڕێوه‌چوو
  كه‌نه‌دا، ساڵیادی دامه‌زراندنی كۆمه‌له‌ به‌رز ڕاده‌گیرێت
                                           

44 ساڵ لەمەوبەر کتێبخانەیەک سلێمانی روناککردەوە


44 ساڵ لەمەوپێش كتێبخانەیەك بوە روناككەرەوەی شاری سلێمانی، پرشنگی رەنگاوڕەنگی بەهەموو لایەكی شاردا نەخشاند و پەیامی زانست و رۆشنبیری پێبوو، ئەویش كتێبخانەی پەیامە، ئەم كتێبخانەیە دەكەوێتە...


  لاهور شێخ جه‌نگی: بۆ كۆنگره‌ له‌گه‌ڵ لێكتێگه‌یشتندام
  عومەر شێخ موس: سەركردایەتیی كورد لەسیاسەت تێ نەگەیشتووە
                                           

ئه‌نفال.. هه‌وڵی قڕكردنی گه‌لێك

ئه‌نفالی یه‌كی دۆڵی جافایه‌تی و باره‌گاكانی سه‌ركردایه‌تی یه‌كێتی

 

 

یه&zw...


   کوردێک بەشداریكری کۆبونەوەی لێژنەی هەرێمی ئاسیا باسفیكی دەکات
  له‌یادی ده‌ستگیركردنی ئۆجه‌لاندا


کاریکاتێر