به‌ڕێوه‌به‌رایه‌تی راگه‌یاندن و چاپ و بڵاوكردنەوەی سلێمانی ئاماری چالاكییەكانی دەخاتەڕوو

.

به‌ڕێوه‌به‌رایه‌تی راگه‌یاندن و چاپ و بڵاوكردنه‌وه‌ی سلێمانی، ئاماری كارو چالاكییەكانی ساڵی 2019ی خستەڕوو و بەپێی ئامارەكەش، هەڵسەنگاندنیان بۆ 33 كتێب كردووە و هەزاران كتێبیشیان بەخشیوە.

ئەمڕۆ دوو شەممە 27-1-2020، ئەریوان سیوەیلی بەڕێوەبەری بەڕێوەبەرایەتی راگەیاندن و چاپ و بڵاوكردنەوەی سلێمانی، لە كۆنگرەیەكی رۆژنامەوانیدا ئاماری كارو چالاكییەكانی ساڵی 2019ی خستەڕوو رایگەیاند: لەماوەی ئەو ساڵەدا داهاتیان 213 ملیۆن و 443 هەزار دینار بووە بە فرۆشتنی كتێب و نوێكردنەوەی مۆڵەتی كەناڵەكان.

وتیشی: بەڕێوەبەرایەتییەكەیان بەشداری سێ پێشانگای نێودەوڵەتی كتێبی كردووە هەشت هەزار كتێبی بەخشیوەتە خوێندنگە و كەسایەتییەكان و دەرخستە و هەڵسەنگاندنیان بۆ 33 كتێب كردووە و  دۆسییەی سەرجەم فەرمانبەرانی بەڕێوەبەرایەتییەكە بە ئەلكترۆنی كراوە.

PUKmedia جەعفەر جەلالی

زانیاری زیاتر لەم لینكەدایە...