ئه‌نجومه‌نی سه‌ركردایه‌تی گشتی یه‌كێتی كۆده‌بێته‌وه‌

.

كاره‌كانی لیژنه‌ی ئه‌نجومه‌نی سه‌ركردایه‌تی گشتی یه‌كێتی بۆ پێداچوونه‌وه‌ به‌ په‌یڕه‌وی ناوخۆ به‌رده‌وامه‌و بڕیاره‌ تا رۆژی چوارشه‌ممه‌ كاره‌كانی ته‌واو بكات و په‌یڕه‌وێكی نوێ‌ بخاته‌ به‌رده‌م ئه‌نجومه‌نی سه‌ركردایه‌تی گشتی .

له‌و باره‌یه‌وه‌ سه‌عدی ئه‌حمه‌د پیره‌) ئه‌ندامی ئه‌نجومه‌نی سه‌ركردایه‌تی گشتی یه‌كێتی رایگه‌یاندوه‌، بڕیاربوو رۆژی دووشه‌ممه‌ ئه‌نجومه‌نی سه‌ركردایه‌تی گشتی دووه‌م كۆبوونه‌وه‌ی ئه‌نجامبدات، به‌ڵام به‌هۆی ته‌واونه‌بوونی كاره‌كانی لیژنه‌ی پێداچوونه‌وه‌ به‌ په‌یڕه‌وی ناوخۆ كۆبوونه‌وه‌كه‌ بۆ رۆژی چوارشه‌ممه‌ دواخراوه‌.

وتیشی،" لیژنه‌ی پێداچوونه‌وه‌ به‌ په‌یڕه‌وی ناوخۆ دوو رۆژی دیكه‌ كاره‌كانی ته‌واو ده‌كات و په‌یڕه‌وێكی نوێ‌ ده‌خاته‌ به‌رده‌م ئه‌نجومه‌نی سه‌ركردایه‌تی گشتی بۆ په‌سه‌ندكردن.

PUKmedia / كوردسات نیوز