لەهەر رۆژێكدا 31 خێزان لە هەرێم هەڵدەوەشێتەوە
ریپۆرتاژ 01:33 PM - 2020-01-25.
بەرزبوونەوەی رێژەی جیابوونەوەی ژن و مێرد هەڕەشە لە پێكهاتەی خێزان و كۆمەڵگەی كوردەواری لەهەرێم دەكات و لە هەر رۆژێكدا 31 پڕۆسەی هاوسەرگیری هەڵدەوەشێتەوە و تەنها لە نۆ مانگی ساڵی پاردا 8 هەزار و 381 خێزان هەڵوەشاونەتەوە.
بەگوێرەی ئامارێك كە كۆپییەكی دەست PUKmedia كەوتووە، رێژەی هاوسەرگیری و جیابوونەوە لە هەرێمی كوردستان بۆ نۆ مانگی ساڵی 2019 خراوەتەڕوو، بەپێی ئامارەكەش، 8381 حاڵەتی جیابوونەوە تۆماركراوە.
لەوبارەیەوە پارێزەر هیشام عارف بە PUKmedia ی راگەیاند: بەرزبوونەوەی رێژەی جیابوونەوەی هاوسەران لەهەرێمی كوردستان هۆكاری زۆرە بەڵام گرنگترینیان كرانەوەی كۆمەڵگەیە بەڕووی جیهاندا بەم شێوە خێرایە، بۆنموونە بەكارهێنانی تەكنەلۆژیا بەو شێوە فراوانە.
وتیشی: هۆكاری ئابوری و دەستێوەردانی چواردەور لە ژیانی هاوسەران و كێشە كۆمەڵایەتییەكان بەشێوەیەكی گشتی هۆكارن بۆ جیابوونەوەی هاوسەران.
بەپێی خەمڵاندن و بە پشتبەستن بەم ئامارە لە هەرمانگێكدا زیاتر لە 931 حاڵەتی جیابوونەوە تۆماركراوە و بۆ ئەو سێ مانگەشی كە لە ساڵەكەدا تۆمار نەكراوە بەم رێژەیە زیاتر لە دوو هەزار و 793 حاڵەتی پێشبینی كراوە.
پارێزەر هیشام عارف راشیگەیاند: پێویستە تاكەكانی كۆمەڵگە پێش هاوسەرگیری هۆشیاریان هەبێت لەسەر پڕۆسەكە و ئەركی لایەنە پەیوەندیدارەكانی وەك راگەیاندن و ماموستایانی ئاینی و پاریزەرانە لەرێگەی كار و پێگەكانیانەوە هۆشیاری كۆمەڵایەتی بڵاوبكەنەوە و رێگربن لە و دیاردە ترسناكەی كۆمەڵگە.
ئەگەر لە هەر مانگێكدا زیاتر 931 حاڵەتی جیابوونەوە تۆماركرابێت ئەوا لە رۆژێكدا 31 خێزان لە هەرێمی كوردستان هەڵدەوەشێتەوە.
هاوكات كۆمەڵناس و رۆژنامەنووس لەتیف حسێن بە PUKmedia ی راگەیاند: ئەو ئامارەی ساڵانە لەلایەن دادگاكانەوە بڵاودەكرێنەوە مەترسی گەورەی تێدایە چونكە رێژەی جیابوونەوەی هاوسەران بەردەوام لە بەرزبوونەوەدایە و لەبەرامبەردا هاوسەرگیری رێژەكەی دادەبەزێت.
وتیشی: جیابوونەوە و هەڵوەشاندنەوەی خێزان كاریگەری راستەوخۆی لەسەر كۆمەڵگە دەبێت، چونكە بەهۆیەوە چەندین منداڵ بێ سەرپەرشت دەبن و لەداهاتووشدا رێژەیەك لەو منداڵانە بەهۆی پەروەرەی خراپەوە دەبنە هۆی مەترسی بۆ سەر كۆمەڵگە.
راشیگەیاند: تۆڕە كۆمەڵایەتییەكان و قەیرانی دارایی و خراپی باری ئابوری لەهەندێك خێزاندا بەشێكن لە كێشە خێزانییەكان، كە دواجار دەبنە هۆی جیابوونەوە و هەڵوەشاندنەوەی خێزان.
بەپێی ئامارەكەش، لە شارەكانی هەولێر و سلێمانی و دهۆك و كەركوك-گەرمیان 32432 هاوسەرگیری ئەنجامدراوە و لەبەرامبەریشدا 8381 حاڵەتی جیابوونەوە تۆماركراوە و بەرزترین رێژەی جیابوونەوەش لە شاری سلێمانی تۆماركراوە كە 3448 حاڵەت بووە.
ئەو كۆمەڵناسە راشیگەیاند: بۆ رێگریكردن لە هەڵكشانی رێژەی جیابوونەوە لە هەرێمی كوردستان پێویستە تاكەكان لەیەكتر تێبگەن و یەكتر قبوڵكەن و دواتر بڕیاری هاوسەرگیری بدەن چونكە، لێكتێنەگەیشتن و یەكتر قبوڵنەكردن كاریگەری خراپ لەسەر پڕۆسەكە دادەنێت.
PUKmedia ژینەر محەمەد
ئامارەكانی هاوسەرگیری و جیابوونەوەی هاوسەران لەساڵی 2019
هەواڵی زیاتر
-
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25 -
وەسفییە... ماندوویەکی رووخۆش
12:25 PM - 2024-04-25 -
راپۆرتێكی دیكهی نێودهوڵهتی لهسهر خراپی ئازادی لهههرێم بڵاودهكرێتهوه
10:33 AM - 2024-04-25
ئەمانەش ببینە
لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
05:13 PM - 2024-04-24
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
وەفدێکی حکومیی عیراق بەشداری ساڵیادی بۆردومانی قەڵادزێ دەکات
10:14 AM - 2024-04-24
زۆرترین خوێنراو
-
هاوخەمی قوباد تاڵەبانی بۆ خانەوادەی خاتوو نیعمەت
پرسەنامە 08:13 PM - 2024-04-25 -
پرسەنامەی مەکتەبی سیاسی بۆکۆچی دوایی خاتوو نیعمەت
پرسەنامە 07:58 PM - 2024-04-25 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
کوردستان 07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
کوردستان 04:57 PM - 2024-04-25 -
هاوخەمی سەرۆک بافڵ بۆکۆچی دوایی خاتوو نیعمەت
پرسەنامە 04:11 PM - 2024-04-25 -
وتهبێژی كۆمسیۆن: 10ی ئایار بانگەشەی هەڵبژاردن دەستپێدەکات
کوردستان 01:36 PM - 2024-04-25 -
شێخ جەعفەر شێخ مستەفا: کۆمەڵانی خەڵک چاوی ئومێدیان لە یەکێتییە
ی ن ک 01:29 PM - 2024-04-25 -
وەسفییە... ماندوویەکی رووخۆش
کوردستان 12:25 PM - 2024-04-25