رەوشی بەغدا بەهای دیناری عیراقی دادەبەزێنێت

.

بازرگانێکی ئاڵوگۆڕی دراو رایگەیاند بارودۆخی دۆخی بەغدا کاریگەری لەسەر شکاندنی نرخی دیناری عیراقی هەیە و لەبەرامبەردا نرخی دراوە جیهانییەکان بەرزدەبنەوە.

شوان هادی بازرگانی ئاڵوگۆڕی دراو لە بازاڕی ئاڵوگۆڕی دراو لە شاری سلێمانی لە لێدوانێکدا بۆ PUKmedia رایگەیاند: ماوەی هەفتەیەکە نرخی دراوەکان بەرامبەر دیناری عیراقی جێگیرە و ئەمەش پەیوەندی بە دۆخی بەغداوە هەیە.

وتیشی: لە ماوەی رابردوودا کاتێک دۆخی بەغدا ئاڵۆزبوو نرخی 100 دۆلاری ئەمریکی بەرامبەر 124 هەزار دیناری عیراقی بوو، لە ئێستادا نرخی 100 دۆلاری ئەمریکی بەرامبەر 121 هەزار و 650 دیناری عیراقییە.

ئەو بازرگانەی ئاڵوگۆڕی دراو ئەوەشی راگەیاند لەئێستاشدا بەهۆی دۆخی ئاڵۆزی سوریاوە لیرەی سوری زۆر دابەزیوە.

نرخی دراوەکان ئەمڕۆ لە بازاڕی سلێمانی بەم شێوەیەن:

نرخی 100 دۆلاری ئەمریکی 121 هەزارو 650 دینارە

نرخی 100 یۆرۆ 134 هەزار دینارە

نرخی 100 پاوەند 157 هەزار دینارە

نرخی 100 هەزار تمەنی ئێرانی 9 هەزار و 250 دینارە

نرخی 100 لیرەی تورکی 20 هەزار و 650 دینارە

لەماوەی ڕابردوو بەهۆی ناڕازیبون لە پاڵێوراوانی حکومەت بۆ وەرگرتنی دەسەڵات لە شارەکانی عیراق خۆپیشاندان و ئاڵۆزی روویاندا و دەنگی ناڕازی شەقام کوژراوو برینداری لیکەوتەوەو هاوکات هێرشە موشەکیەکانی ئێران و کوژرانی قاسم سولەیمانی لەلایەن ئەمریکاوە کاریگەرییان لەسەر دابەزینی دیناری عیراقی بەجێهێشت.

PUKmedia هاژە باست