پەرلەمان بەئامادەبوونی وەفدی دانوستانكاری هەرێم كۆدەبێتەوە

.

پەرلەمانی كوردستان كۆدەبێتەوەو تیایدا وەفدی دانوستاندكاری حكومەتی هەرێم بەمەبەستی خستنەڕووی دەرئەنجامی كۆبوونەوەكانیان لەگەڵ حكومەتی عیراق و سەبارەت بەپڕۆژە بودجەی ساڵی 2020 و كەیسی نەوت گفتوگۆ دەكات.

بەپێی كارنامەی كۆبوونەوەی پەرلەمان كە وێنەیەكی گەیشتوەتە PUKmedia، تیایدا هاتووە: بەپێی حوكمی ماددەی (5)و بڕگەكانی (یەكەم و دووەم) لە ماددەی (16)و برگەی (سێیەم) لە ماددەی (18) و بڕگەكانی (یەكەم و دووەم و سێیەم و چوارەم و پێنجەم) لە ماددەی (20)و ماددەكانی (47، 48، 52، 54، 55، 56، 57) لە پەیڕەوی ناوخۆی پەرلەمانی كوردستان-عیراق، دەستەی سەرۆكایەتیی پەرلەمان بڕیاریدا بەرنامەی كاری دانیشتنی ژمارە (16)ی ئاسایی خولی پاییزەی ساڵی یەكەم لە خولــی پێنجەمی هەڵبژاردنی پەرلەمان لە سەعات 11ی پێشنیوەرۆی ئەمڕۆ 23ی كانونی 2020.

یەكەم: ئامادەبوونی وەفدی دانوستاندكاری حكومەتی هەرێمی كوردستان بەمەبەستی خستنەڕووی دەرئەنجامی كۆبوونەوەكانیان لەگەڵ حكومەتی فیدراڵی سەبارەت بە (پڕۆژە بودجەی ساڵی 2020 و كەیسی نەوت).

دووەم: خستنەڕووی بیرۆكەی (د.گەلاوێژ عوبەید عوسمان) پەیوەست بە (دامەزراندنی سەنتەری راوێژكاریی بۆماوەیی نیشتیمانی لەبەر زۆربوونی رێژەی منداڵی ناكام و نەخۆشییە بۆماوەییەكان)، بەپێی حوكمی خاڵی (2)ی بڕگەی (یەكەم) لە مادەی (49)ی پەیڕەوی ناوخۆی پەرلەمانی كوردستان.

PUKmedia