دەرباز كۆسرەت:PUKmedia سەرچاوەی هەواڵ و زانیارییە بۆ كوردستان و دەرەوە

.

بەڕێزان سەرنووسەرو ستافی ماڵپەڕی PUKmedia بەبۆنەی هەڵكردنی حەڤدەهەمین مۆمی تەمەنی ماڵپەڕە ئازیزەكەتان، ماڵپەڕی PUKmedia پیرۆزبایی گەرمی خۆم ئاڕاستەی یەكە بەیەكەی ستافە ماندوونەناسەكەتان دەكەم و هیواخوازم هەڵكردنی مۆمی تازەی تەمەنتان قۆناغێكی نوێی كاركردن بێ لە كاری میدیاییدا.

دەستپێكی كاری میدیایی ماڵپەڕی  PUKmedia لەو سەردەمەدا وەرچەرخانێكی گەورەو دیارییەكی بەنرخی یەكێتی نیشتمانی كوردستان بوو بۆ  رەوتی میدیای ئەلیكترۆنی لە كوردستاندا، لە ساڵەكانی رابردووشدا بەچەندین زمانی جیاواز  توانیوتانە ببنە سەرچاوەیەكی وردو متمانەپێكراوی هەواڵ و زانیاری بۆ كوردستان و دەرەوە.

دووبارە پیرۆزبایی خۆمتان ئاراستە دەكەم و بەئومێدین هەموومان پێكەوە هاوكارو پشتیوان بین بۆ پێشخستنی زیاتری ماڵپەڕەكەمان و هەنگاونان بەرەو قۆناغی باشتر.

دەرباز كۆسرەت رەسوڵ

ئەندامی ئەنجومەنی سەركردایەتی گشتی

یەكێتیی نیشتمانیی كوردستان

PUKmedia