شۆڕش ئیسماعیل: PUKmedia خوێندنگه‌یه‌كی گرنگی رۆژنامه‌نووسانه‌

.

شۆڕش ئیسماعیل به‌بۆنه‌ی ساڵیادی دامه‌زراندنی PUKmedia وه‌ بروسكه‌یه‌كی پیرۆزبایی ئاڕاسته‌ی سه‌رنووسه‌ر و رۆژنامه‌نووسان و كارمه‌ندانی  سایه‌ته‌كه‌ ده‌كات.

ده‌قی بروسكه‌كه‌...
به‌ڕێزان سه‌رنووسه‌ر و رۆژنامه‌نووسان و كارمه‌ندانی  PUKmediaی ئه‌زیز
به‌بۆنه‌ی یادی 17 ساڵه‌ی كۆشش و خه‌باتی رۆژنامه‌وانیتان  گه‌رمترین پیرۆزبایتان لێده‌كه‌م هیوای سه‌ركه‌وتن و پێشكه‌وتنی زیاترتان بۆ ده‌خوازم.
   له‌م بۆنه‌یه‌ به‌ده‌رفه‌تی ده‌زانم ده‌ستی ماندووبوونی یه‌كه‌ به‌یه‌كه‌تان بگوشم كه‌ بوونه‌ته‌ مینبه‌رێكی گرنگ و كاریگه‌ری میدیایی، ئێوه‌ ئۆڕگانێكی گرنگی بڵاوكردنه‌وه‌ی بیری كراوه‌ی حزبی و ناحزبی بوون، كاركردنتان له‌سه‌ر بنه‌مای راستگۆیی و ئیتیكی رۆژنامه‌وانی، جێگه‌ی بایه‌خ و پێزانینی هه‌مووانه‌.
له‌ماوه‌ی رابردوودا،  ناوه‌ند و قوتابخانه‌یه‌كی گرنگی پێگه‌یاندنی رۆژنامه‌نووسان و وه‌شانی هۆشیاری نیشتمانی و نه‌ته‌وه‌یی بوون.  هه‌ر ئه‌مه‌ش وایكردووه‌ خوێنه‌رانی رۆژ به‌رۆژ له‌زیادبوون و فراوانیدا بێت.

دووباره‌ پێرۆزبایتان لێده‌كه‌م و هیوای سه‌ركه‌وتن و پێشكه‌وتنی زیاترتان له‌م كاروانه‌ بۆ ده‌خوازم

شۆڕش ئیسماعیل

PUKmedia تایبه‌ت