سه‌عدی پیره‌ : PUKmedia ھه‌میشه‌ له‌پێشه‌وه‌ی كاروانی رۆژنامه‌گه‌ری بووه‌

.

سه‌عدی ئه‌حمه‌د پیره‌  ئه‌ندامی ئه‌نجومه‌نی گشتی سه‌ركردایه‌تی یه‌كێتیی نیشتمانیی كوردستان پیرۆزبایی له‌PUKmedia  ده‌كات.

ده‌قی بروسكه‌كه‌..
به‌رێزان/ سه‌رنوسه‌ر و میدیاكارو ته‌واوی كارمه‌ندانی پیوكه‌ی میدیا
له‌ حه‌ڤده‌هه‌مین ساڵیادی دامه‌زراندنی ماڵپه‌ڕه‌ ئازیزه‌كه‌تان ، پیرۆزبایی گه‌رمتان ئاراسته‌ ده‌كه‌م و هیوای پێشكه‌وتن و گه‌شه‌ی زیاترتان بۆ ده‌خوازم له‌ خزمه‌تكردنی كۆمه‌ڵانی خه‌ڵك و میدیای كوردی دا.

له‌17 ساڵی رابردوودا ماڵپه‌ڕی (PUKmedia) پێ به‌ پێ له‌گه‌ڵ قۆناغه‌ جیاوازه‌كانی سیاسی و ئابووری و رۆشنبیری ھه‌میشه‌ له‌ پێشه‌وه‌ی كاروانی خه‌باتی رۆژنامه‌گه‌ری و رۆشنبیری به‌رده‌وامی داوه‌ به‌و په‌یامه‌ روونه‌ی كه‌ ساڵه‌ھایه‌ كردویه‌تی به‌ دروشم كه‌ خۆی له‌ راستی و دروستی زانیاریه‌كانی و ئازادی راده‌ربڕین و ڕای جیاواز ده‌بینێته‌وه‌.
بۆیه‌ ھه‌میشه‌ وه‌ك سه‌كۆی ئازادیخوازان وبڵندگۆی چین و توێژه‌ جیاوازه‌كان بووه‌

وه‌ك چۆن له‌ حه‌ڤده‌ ساڵی رابردوودا خزمه‌تێكی گه‌وره‌تان به‌ كاروانی خه‌باتی رۆشنبیری و كۆمه‌ڵایه‌تی و سیاسی و راگه‌یاندنی كوردیدا و له‌م پێناوه‌شدا ره‌نج و ماندوو بوونێكی زۆرتان كێشا، دڵنیام له‌ ئاینده‌شدا  سایته‌ جوان و خۆشه‌ویسته‌كه‌ی پیوكه‌ی میدیا به‌رده‌وام ده‌بێت له‌ پێشكه‌وتن و  ھه‌موو كونجێكی ئه‌م جیھانه‌ پڕ ده‌كات له‌ زانیاری و ھه‌واڵ و هه‌میشه‌ له‌ پێشه‌نگ ده‌مێنێته‌وه‌

جارێكی تر، پیرۆزباییتان لێده‌كه‌م، ده‌ستی یه‌كه‌به‌ یه‌كه‌ی ته‌واوی خێزانه‌ ماندوونه‌ناسه‌كه‌ی سایتی پیوكه‌ی میدیای ئازیزمان ده‌گووشم و ھیوای سه‌ركه‌وتن و پێشكه‌وتنی زیاترتان بۆ ده‌خوازم



سه‌عدی ئه‌حمه‌د پیره‌ 
ئه‌ندامی ئه‌نجومه‌نی گشتی سه‌ركردایه‌تی یه‌كێتیی نیشتمانیی كوردستان

PUKmedia تایبه‌ت