ژماره‌یه‌ك كۆمپانیای ده‌رمان و پێداویستی پزیشكی داده‌خرێن

.

وه‌زارتی ته‌ندروستی حكومه‌تی هه‌رێم بڕیاری داخستن و ڕاگرتنی كارو چالاكییه‌كانی 33 كۆمپانیای ده‌رمان و پێداویستی پزیشكی دا.

دوای چه‌ندین مانگ له‌ ره‌خساندنی هه‌ل بۆ نوێكردنه‌وه‌و باپه‌ندبوونی كۆمپانیاكان به‌ ڕێنماییه‌كانی وه‌زاره‌تی ته‌ندروستی و ئاگادار كردنه‌وه‌یان. وه‌زاره‌تی ته‌ندروستی حكومه‌تی هه‌رێم، له‌ دووه‌مین قۆناغی چاكسازی له‌ بواری ده‌رمان و پێداویستی پزیشكی، له‌ به‌ر باپه‌ند نه‌بوون به‌ رێنماییه‌كان و پێوه‌ری نوێی مۆڵه‌ت نوێكردنه‌وه‌ و كۆگاكردن، بڕیاریدا به‌ داخستن و له‌ كار ڕاگرتنی كارو چالاكییه‌كانی 33 كۆمپانیای ده‌رمان و پێداویستی پزیشكی له‌ هه‌رێمی كوردستان.
ئه‌م بڕیاره‌ پاڵپشته‌ به‌ بڕیاره‌كانی سه‌رۆكایه‌تی ئه‌نجومه‌نی وه‌زیران تایبه‌ت به‌چاكسازی له‌ بواری ده‌رمان و پێداویستی پزیشكی و هه‌روه‌ها نوسراوی سه‌رۆكایه‌تی داواكاری گشتی.

له‌پێناو به‌رژه‌وه‌ندی گشتی، وه‌زاره‌تی ته‌ندروستی (به‌ڕێوبه‌رایه‌تی كوالێكتی كۆنترۆڵی جۆری ده‌رمان و پێداویستی پزیشكی، سه‌ندیكای ده‌مانسازان، داموده‌زگاكانی ته‌ندروستی له‌ كه‌رتی گشتی و كه‌رتی تایبه‌ت) ئاگادارده‌كاته‌وه‌ به‌جێبه‌جێكردنی ئه‌م بڕیاره‌ له‌ ڕۆژی ده‌رچوونیه‌وه‌، پاڵپشت به‌م بڕیاره‌ هیچ كارو چالاكییه‌ك له‌گه‌ڵ ئه‌و كۆمپانیایانه‌ ئه‌نجامنادرێت.

PUKmedia ڕاگه‌یاندنی وه‌زاره‌تی ته‌ندروستی