بەغدا.. شوێنی هەڵدانی موشەكەكان ئاشكرا دەكرێت

.

فەرماندەی ئۆپراسیۆنەكانی بەغدا، دەستبەسەراگرتنی شوێن و سەكۆی هەڵدانی ئەو موشەكانەی ئاڕاستەی ناوچەی سەوزی بەغدا دەكران و لەنزیك باڵیۆزخانەی ئەمریكا لەزەویان دەدا، راگەیاند.

لەراگەیەندراوێكدا فەرماندەی ئۆپراسیۆنەكانی بەغدا، ئاشكرایكردوە:" بەپێی زانیاری وردی هەواڵگری   دەست بەسەر ئەو  شوێن و سەكۆیە گیراوە كە شەوی رابردوو لێیەوە موشەك ئاڕاستەی ناوچەی سەوزی بەغدا كراوەو لەنزیك باڵیۆزخانەی ئەمریكا لەزەویان داوە".

رونیشكراوەتەوە:" شوێنەكە لەناوچەی زەعفرانیە بووەو دەست بەسەر موشەك و ئامێری وەشاندنەكەی بەتەواوی گیراوەو لەئێستادا لێكۆڵینەوە  بەردەوامە بۆ ئەوەی بزانرێت چ دەستێك بەو كارە هەستاوە".

لایخۆشیەوە عادل عەبدولمەهدی سەرۆك وەزیرانی كاربەڕێكەری حكومەتی عیراق، جەختیكردوەتەوە، دەبێت ئەو كەسانەی لەپشتەوەی هێرشكردنە سەر باڵیۆزخانەی ئەمریكان و بەو كارە هەستاون سزابدرێن.

PUKmedia داڕشتنەوەی : سامان یاروەیس"