د.دارا ڕه‌شید: ماڵپه‌ڕی PUKmedia سه‌رچاوه‌ی هه‌واڵ و زانیارییه‌

.

به‌ بۆنه‌ی 17 هه‌مین ساڵیادی دامه‌زراندنی ماڵپه‌ڕی PUKmedia وه‌زیری د.دارا ڕه‌شید وه‌زیری پلاندانانی حكومه‌تی هه‌رێمی كوردستان له‌ بروسكه‌یه‌كدا وێڕای پیرۆزبایی ڕایده‌گه‌یه‌نێت كه‌ ماڵپه‌ڕی PUKmedia سه‌رچاوه‌ی هه‌واڵ و زانیارییه‌.

 ئه‌مه‌ش ده‌قی بروسكه‌كه‌یه‌

به‌رێزان له‌ (PUKmedia) ی ئه‌زیز

به‌بۆنه‌ی17 مین ساڵیادی دامه‌زراندنی (PUKmedia) ی ئه‌زیز گه‌رمترین پیرۆزبایی ئاراسته‌ی به‌رێوه‌به‌ر وكارمه‌ندان و رۆژنامه‌نوسانی ده‌زگاكه‌تان ده‌كه‌م" هیوادارم هه‌ر سه‌ركه‌وتوبن و به‌رده‌وام بن له‌گه‌یاندن و بڵاوكردنه‌وه‌ی هه‌واڵ و زانیاری دروست به‌ خوینه‌رانتان.

هه‌ر له‌م یاده‌ ده‌مه‌وێت ڕۆڵی پیوكه‌ی میدیا به‌رزبنرخێنم كه‌ پێشه‌نگ و سه‌رمه‌شقی سه‌رچاوه‌ی هه‌واڵ و زانیاری و گه‌یاندنی لایه‌نی هۆشیاری و رۆشنبیری خێزانی بوه‌ بۆخوێنه‌رانی له‌هه‌رێمی كوردستان كه‌ له‌پاڵ زمانی كوردی به‌ زمانه‌كانی تری عه‌ره‌بی و ئینگلیزی گرنگی به‌ دۆزی ڕه‌وای گه‌له‌كه‌مان داوه‌، دیاره‌ له‌ماوه‌ی ته‌مه‌نی 17 ساڵه‌شی پێویستی به‌ گڕوتینی زیاتر و هاتنه‌پێشی زیاتر هه‌یه‌ بۆ ئه‌وه‌ی له‌گه‌ڵ گۆرانكاریه‌كان خۆی بگونجێنیت.

دووباره‌ پیرۆزه‌ و هه‌میشه‌ سه‌ركه‌وتووبن.

براتان

د.دارا ڕه‌شید وه‌زیری پلاندانانی حكومه‌تی هه‌رێمی كوردستان

PUKmedia