900 پێگەی ئەلیكترۆنی داعش داخراون

.

لەلایەن وەزارەتی ناوخۆی عیراقەوە، داخستنی 900 پێگەی ئەلیكترۆنی سەربە گروپی تیرۆرستی داعش كە پڕوپاگەندەیان دژ بە دۆخی ئەمنی و سیاسی عیراق كردوە، راگەیەندرا .

لیوا سەعد مەعن، بەرپرسی بەشی پەیوەندیەكان و راگەیاندنی وەزارەتی ناوخۆی عیراق رایگەیاندوە:" بەشی زۆری ئەو پڕوپاگەندانەی لە پێگە ئەلیكترۆنیەكان دەكرێن، زۆرینەیان هەڕەمەكی نین، بەڵكو بەپێی بەرنامەو هاوكات بەهۆی دۆخی  ئاڵۆزی سیاسی و ئەمنی ئاڕاستەدەكرێن و ئامانجی گەورەی لەپشتەوەیە".

رونیشكردوەتەوە:" لەرێگەی زانیاری وردەوە، لەكەناڵە جیاوازەكانی هەواڵگری و ئەلیكترۆنی، توانیومانە 900 پێگەی ئەلیكترۆنی كەلەلایەن داعش و هاوبیرەكانی داعشەوە بۆ شێواندنی رایگشتی و دۆخی ئەمنی و سیاسی بەكارهێنراون دابخەین". 

باسی لەوەشكردوە:"  ئێمە تەواوی زانیاریە دروستەكان لەرێگەی كەناڵە نیشتمانیەكانەوە بڵاو دەكەینەوە یان لاینەكانی تر بڵاوی دەكەنەوە، بۆیە پێویستە پشت بەوانە ببەسترێت".

PUKmedia  داڕشتنەوەی" سامان یاروەیس"