قوباد تاڵەبانی: PUKmedia یەكێكە لەشانازی و دیارییەكانی یەكێتی

.

بەبۆنەی حەڤەیەمین ساڵیادی دامەزراندنی ماڵپەڕی PUKmedia وە، قوباد تاڵەبانی جێگری سە‌رۆكی ئە‌نجومە‌نی وە‌زیرانی هەرێم بروسكەیەكی پیرۆزبایی ئاڕاستەی سەرنوسەر و ستافی رۆژنامەوانی ماڵپەڕەكە دەكات و دەڵێت، PUKmedia خاوەن سەنگ و پێگەی خۆیەتی و شان بەشانی ئەركە سیاسییەكانی وەك ئۆرگانێكی زمانحاڵی یەكێتی، سەرچاوەیەكی كوردی خێراو هاوسەنگ و پڕ زانیارییە‌.  

دەقی بروسكەكە...

بەڕێزان سەرنوسەر و ستافی رۆژنامەوانی ماڵپەڕی PUKmedia

حەڤدەیەمین ساڵیادی دامەزراندنی ماڵپەڕی سەنگینی PUKmedia پیرۆز دەكەم. 

ئەم ماڵپەڕە ڕەنگینە كە هەمیشە پێشبڕكێ لە گەڵ كات دەكات بۆ گەیاندنی هەواڵ و وێنەو چالاكییە جۆربەجۆرەكانی ناوەوەو دەرەوەی كوردستان، یەكێكە لە شانازی و دیارییەكانی یەكێتی و خزمەتگوزارییەكی هەواڵیی پڕ زانیارییە بۆ خوێنەران و چاودێرانی كورد لەهەموو جێگایەكی جیھان، بەهەوڵ و ماندوبوون و شەونخونی ستافە پشوو درێژەكەشی بەردەوام بەرەو سەركەوتنی زیاتر دەڕوات.

ساڵیادی ماڵپەڕی PUKmediaلەكاتێكدایە‌ كە‌ یەكێتیی نیشتمانیی كوردستان خۆی لە وێستگەو قۆناغێكی سیاسی نوێیدایە‌ پاش بەستنی كۆنگرە، ڕەوشی میدیاش بەتایبەت میدیای ئەلەكترۆنی چ لە كوردستان و چ لەسەر ئاستی جیھان لە پەرەسەندنی خێرادایەو لەم نێوەندەشدا خۆشبەختانە PUKmedia خاوەن سەنگ و پێگەی خۆیەتی و شان بەشانی ئەركە سیاسییەكانی وەك ئۆرگانێكی زمانحاڵی یەكێتی، سەرچاوەیەكی كوردی خێراو هاوسەنگ و پڕ زانیاریە‌.  

دووبارە پیرۆز بێت و سەركە‌وتوو بن.

قوباد تاڵەبانی

جێگری سە‌رۆكی ئە‌نجومە‌نی وە‌زیران

PUKmedia تایبەت