عیراق.. خۆپیشاندانەكان ئاڵۆزیان تێدەكەوێت

وێنەكە لەسكای نیوزەوە وەرگیراوە

خۆپیشاندانەكانی باشوری عیراق بەردەوامە و لەبەغداش ئەمڕۆ خۆپیشاندەرێك كوژرا و ژمارەیەكیش برینداربوون.

بەپێی زانیارییەكانی PUKmedia، ئەمڕۆ دوو شەممە 20-1-2020، ئاڵۆزییەكانی خۆپیشاندانەكانی بەغدا زیاتر تەشەنەی كردووە و بەوهۆیەشەوە خۆپیشاندەرێك كوژرا و ژمارەیەكیش برینداربوون.

هاوكات لەشارەكانی بەسرە و زیقار و موسەننا و دیوانیە و واست خۆپیشاندان دەستیپێكردووە و لەهەندێك ناوچەش دەوام راگیراوە.

هەر بەپێی زانیارییەكانی PUKmedia خۆپیشاندەران لەئێستادا لەهەوڵی كۆنترۆڵكردنی شەقامی محەمەد قاسمن لە بەغدا.

ئەمەش لەكاتێكدایە لەپارێزگاكانی بەغداو نەجەف و كەربەلا و چەند پارێزگایەكی تری عیراق، بەهۆی سووتاندنی تایەو كردنەوەی ئاگرەوە چەندین رێگا داخراون.

PUKmedia تایبەت