پەرلەمانی عیراق بەرنامەی كۆبوونەوەكەی دەگۆڕێت

.

كۆبوونەوەی پەرلەمانی عیراق بەهۆی  تەواونەبوونی رێژەی یاساییەوە نەیتوانی گفتوگۆ لەسەر پرۆژە یاساكان بكات و گۆڕدرا بۆ كۆبوونەوەیەكی ئاڵوگۆڕی بۆچونەكان. 

سەرچاوەیەكی پەرلەمانی بە PUKmediaی راگەیاند: هەرچەندە بڕیار بوو لەكۆبوونەوەكەی ئەمڕۆی پەرلەمانی عیراقدا گفتوگۆ لەبارەی چەند پرۆژە یاسایەكەوە بكرێت، بەڵام بەهۆی تەواو نەبوونی رێژەی یاسای پەرلەمانتارانەوە، سەرۆكایەتی پەرلەمان بڕیاریدا كۆبوونەوەكە بگۆڕدرێت بۆ كۆبوونەوەیەك تیایدا ئاڵوگۆڕی بۆچونەكان بكرێت.

بەوتەی ئەو سەرچاوەیە، ژمارەی ئەندامانی ئامادەبووی كۆبوونەوە 74 پەرلەمانتاری تێنەپەڕاندوەو ئەوەش وایكردوە كۆبوونەوەكە رێژەی یاسایی تەواو نەكات.

PUKmedia تایبەت