ئاسۆ مامەند بۆ PUKmedia : بوونەتە سەرچاوەیەكی باوەڕپێكراو

.

ئاسۆ مامەند ئەندامی ئەنجومەنی سەركردایەتی یەكێتی نیشتمانی كوردستان پەیامێكی پیرۆزبایی ئاڕاستەی سەرنوسەرو ستافی سایتی PUKmedia كرد.

دەقی پەیامەكە:

بەڕێزان/ سەرنووسەرو رۆژنامەنووسانی PUKmedia ی ئازیز

بەبۆنەی (۱۷)‌یەمین ساڵەی دامەزراندنی وێب سایتی(PUKmedia) بە گەرمی پێرۆزبایی خۆمتان پێڕادەگەیەنم و ئومێدەوارم سایتەكەتان لە گەشەكردن و سەركەوتنی بەردەوامدا بێت.

یادی (۱۷) ساڵەی دامزراندنی وێب سایتی (PUKmedia) هاوكاتە لەگەڵ قۆناخ و هەلومەرجێكیمتازە كە ناوچەكە و عیراق و هەرێمی كوردستانی پێدا تێدەپەڕێ، لەم رووەوە پێدان و گەیاندنی؛ هەواڵ، راپۆرت، زانیاری، شیكاریی و بە دواداچون بۆ كێشەو ئاریشكان ئەركی سایتەكەتان دەبێ و لەم چوارچێوەیەشدا بێ درێغ لە رابردوودا هەوڵی بێوچانتان داوە و توانیوتانە ببنە سەرچاوەیەكی باوەڕ پێكراوی بۆ ناوچەكە و بۆ دەرەوەی هەرێم.

لە ماوەی چەند ساڵی رابردوودا سایتەكەتان بە شێوەیەكی پیشەییانە و بە فۆڕمێكی تازەوە توانیوێتی رووداوو گۆڕانكارییەكان بێ لایەنانە بۆ خوێنەران بگوازێتەوە. هەروەها (PUKmedia) بە گەڕانەوە بۆ ئیتیكی رۆژنامەوانیی، هەواڵ و رووداوەكانی بە شێوازێكی راستگۆیانە بۆ خوێنەرانی گواستووەتەوە.

دووبارە (۱۷)‌یەمین ساڵەی دامەزراندنی (PUKmedia) پیرۆز لە ئێوەو تەواوی رۆژنامەنووسان پیرۆز دەكەین

ئاسۆ مامەند

ئەندامی ئەنجومەنی سەركردایەتی یەكێتیی نیشتمانیی كوردستان

PUKmedia  تایبه‌ت