وەزارەتی دەرەوەی عیراق لەسلێمانی فەرمانگەیەك دەكاتەوە

.

لەداهاتوویەكی نزیكدا فەرمانگەی كونسوڵگەری وەزارەتی دەرەوەی عیراق لە شاری سلێمانی دەكرێتەوە  كە دەتوانێت مامەڵەی پارێزگای سلێمانی و شارەكانی تری تێدا ئەنجامبدرێت.

لەوبارەیەوە عەمید سالار عەبدوڵا بەڕێوەبەری پاسپۆرتی سلێمانی رایگەیاند: رەزامەندی وەزارەتی دەرەوەی عیراق وەرگیراوە بۆ كردنەوەی كونسوڵخانەی وەزارەت لە شاری سلێمانی، كە دەتوانێت مامەڵەی پارێزگای سلێمانی و شارەكانی تری تێدا ئەنجامبدرێت.

عەمید سالار عەبدوڵا راشیگەیاند: كردنەوەی ئەم كونسوڵخانەیە ئاسانكارییە بۆ هاووڵاتیان بۆ جێبەجێكردنی مامەڵەكانی تایبەت بە وەزارەتی دەرەوەی عیراق و هەرێمی كوردستان كە پێشتر دەبوایە بۆ ئەو كارانە سەردانی بەغدا بكەن.

PUKmedia  گەلی كوردستان

بەڤیدیۆ...