سه‌رۆك كۆمار له‌ته‌ندروستی سه‌ماحه‌تی سه‌ید عه‌لی سیستانی ده‌پرسێت

.

سه‌رۆك كۆمار دڵنیایی ده‌دات له‌باروی دۆخی ته‌ندروستی مه‌رجه‌عیه‌تی باڵا سه‌ماحه‌تی سه‌ید عه‌لی سیستانی.

سه‌رۆك كۆمار د. به‌رهه‌م ساڵح ئه‌مڕۆ پێنج شه‌ممه‌ 16-1-2020 بروسكه‌یه‌كی ئاراسته‌ی مه‌رجه‌عی باڵا سه‌ماحه‌تی سه‌ید عه‌لی سیستانی كرد بۆ ئه‌وه‌ی له‌ دۆخی ته‌ندروستی سه‌ماحه‌تیان بپرسێت دوای ئه‌وه‌ی باری ته‌ندروستی تێكچوو.

ئه‌مه‌ش ده‌قی بروسكه‌كه‌یه‌:

سه‌ماحه‌تی مه‌رجه‌عی باڵا سه‌ید عه‌لی حسێنی سیستانی
سڵاوی په‌روه‌ردگاری مه‌زنتان لێبێت.
هه‌ر له‌سه‌ره‌تای بیستنی هه‌واڵی تێكچونی باری ته‌ندروستی سه‌ماحه‌تی پیرۆزتان، به‌ووردی و له‌ نزیكه‌وه‌ چاودێریمان كردو ئێمه‌ سوپاسگوزاری خوداین كه‌ ته‌ندروستی سه‌مه‌حه‌تتان جێگیره‌و نه‌شته‌رگه‌رییه‌كه‌ به‌سه‌ركه‌وتووی كۆتایی ھاتووه‌، داوا له‌ په‌روه‌ردگاری مه‌زن ده‌كه‌ین ته‌ندروستیتان ساغ و سه‌لامه‌ت بێت و خێر و نیعه‌مه‌تی به‌ڕێزتان به‌سه‌ر عێراق و گه‌له‌كه‌یدا ببارێنێت له‌گه‌ڵ ئه‌و شیفایه‌ی كه‌ به‌خشی به‌ به‌ڕێزتان.

ده‌ست به‌رز ده‌كه‌ین و له‌ په‌روه‌ردگار ده‌پاڕێینه‌وه‌ كه‌ بتان پارێزێت له‌ هه‌موو به‌ڵا و ناخۆشییه‌ك به‌ دوورتان بخات و وه‌ك سه‌رمایه‌یه‌كی گه‌وره‌ بۆ عێراق و گه‌لی موسڵمان بتان هێلێت، سه‌رۆكایه‌تی كۆمار ئه‌و په‌ڕی ئاماده‌باشی نیشانده‌دات بۆ ئه‌وه‌ی له‌گه‌ڵ دامه‌زاروه‌ پزیشكییه‌كان په‌یوه‌ندی بكات تا چاودێری پێویست پێشكه‌ش به‌ سه‌ماحه‌تتان بكات، له‌ كاتێكدا كه‌ بڕوا و متمانه‌ی ته‌واومان هه‌یه‌ به‌ توانا و دڵسۆزی كادرانی پزیشكی كه‌ به‌سه‌ركه‌وتووی سه‌رپه‌رشتی ته‌ندروستی و نه‌شته‌رگه‌رییه‌كه‌ی به‌ڕێزتیان كرد و به‌رده‌وامیش ده‌بن له‌ چاودێری كردنی ته‌ندروستی سه‌ماحه‌تتان.

سڵاو سه‌لامی په‌روه‌ردگارتان لێبێت

به‌رهه‌م ساڵح
سه‌رۆك كۆمار

PUKmedia راگه‌یاندنی سه‌رۆكایه‌تی كۆمار