پنتاگۆن به‌رگریی موشه‌كی ده‌نێرێته‌ رۆژهه‌ڵات

.

وه‌زاره‌تی به‌رگریی ئه‌مریكا سه‌رقاڵی تاوتوێكردنی پڕۆژه‌یه‌كه‌، له‌باره‌ی ناردنی سیستمی نوێی به‌رگریی موشه‌ك، بۆ رۆژهه‌ڵاتی ناوه‌ڕاست.

له‌وباره‌یه‌وه‌، ریان مه‌كارسی وه‌زیری سوپای ئه‌مریكا رایگه‌یاند: دوابه‌دوای بۆردومانكردنی بنكه‌ سه‌ربازییه‌كانی ئه‌مریكا له‌ عیراق له‌لایه‌ن ئێرانه‌وه‌، پنتاگۆن سه‌رقاڵی تاوتوێكردنی پڕۆژه‌یه‌كی نوێی سه‌ربازییه‌، كه‌ تایبه‌ته‌ به‌ ناردنی سیستمی نوێی به‌رگریی موشه‌ك بۆ ناوچه‌ی رۆژهه‌ڵاتی ناوه‌ڕاست.

دوابه‌دوای كوژرانی قاسم سلێمانی فه‌رمانده‌ی فه‌یله‌قی قودسی ئێران و ئه‌بومه‌هدی موهه‌ندیس جێگری سه‌رۆكی ده‌سته‌ی حه‌شدی شه‌عبی له‌نزیك فڕۆكه‌خانه‌ی نێوده‌وڵه‌تی به‌غدا، سوپای ئێران بنكه‌ سه‌ربازییه‌كانی ئه‌مریكای له‌ پارێزگای ئه‌نبارو هه‌ولێر، بۆردومانكرد.

PUKmedia ئاژانسه‌كان