بەرپرسێكی باڵای سەربازی بەریتانیا دەگاتە بەغدا

.

راوێژكاری باڵای سەربازی بەریتانیا تایبەت بەكاروباری رۆژهەڵاتی ناوەڕاست دەگاتە بەغداو تاوتوێی ئاڵۆزیەكانی ئەمدواییەی ناوچەكە دەكات.

فەریق سێرجۆن لۆرمێر راوێژكاری باڵای سەربازی، تایبەت بەكاروباری رۆژهەڵاتی ناوەڕاست لەوەزارەتی بەرگری  بەریتانیا، لەتویتێكیدا، رایگەیاندوە:" بەسەردانێكی رەسمی سەردانی بەغدای كردوەو لەگەڵ گەورە بەرپرسان كۆبوەتەوە".

رونیشكراوەتەوە:" لەو سەردانەدا تاوتوێی پێشهات و ئاڵۆزیەكانی بەمدواییەی ناوچەكە كراوەو هەروەها بەرەو پێشچوونەكانی شەڕی دژ بەداعش قسەوباسیان لەسەركراوە".

باسی لەوەشكردوە:" عێراق و هاوپەیمانی نێودەوڵەتی رۆڵێكی گەورە دەگێڕن لەروبەڕوبونەوەی تیرۆر".

جەختیكردوەتەوە:" پیاچوونەوەی بەتەواوی ئەو راسپاردانە كردوە كەلە گەشتەكەی پێشوویدا بەرنامەرێژی بۆ كرابوو".

PUKmedia ئاژانسەكان