رۆژئاوای كوردستان.. روسیا هێزی زیاتر بڵاوە پێدەكات

.

ئەمڕۆ دوو شەممە هێزەكانی سوپای روسیا بەشێوەیەكی بەرچاو لەسنوری رۆژئاوای كوردستان – توركیا بڵاوەیان پێكراوە.

ئاژانسی هەواڵی سپۆتینگی روسیا بڵاویكردوەتەوە:" ئەمڕۆ زیاتر لە 12 زرێپۆش كە پێشتر لەشاری قامیشلۆبوون، رەوانەی ناوچەكانی تەل تەمر لە خۆرئاوای حەسەكەو ئەبو راسێین لە باشوری رۆژهەڵاتی سەرێكانی كراون و  بڵاوەیان پێكراوە".

باسلەوەشكراوە:" بڵاوكردنەوەی ئەو هێزەكانە لەنێوان هێزەكانی توركیا و  سوپای سوریایە كەلەو ناوچەیەدا بوونیان هەیە و بەپێی رێكەوتنی نێوان هەردوو وڵاتی توركیا- روسیا ئەو هەنگاوانە جیبەجێ دەكرێن".

ئاماژە بەوەشدراوە:" هەروەها هێزەكانی توركیاو روسیا سوڕانەوەی هاوبەشیان لەسنوری كۆبانێ بۆ پاراستنی سنورەكان ئەنجامداوە".

PUKmedia ئاژانسەكان