نوێنەرێك: رێكەوتنی عیراق – چین رەزامەندی پەرلەمانی دەوێت

.

نوێنەرێك دووپاتی دەكاتەوە، رێكەوتنە ستراتیژی و گەورەكان پێویستی بەڕەزامەندی ئەنجومەنی نوێنەرانی عیراق هەیە. 

ئەحمەد جبوری ئەندامی ئەنجومەنی نوێنەرانی عیراق رایگەیاندوە:" بەپێی یاساو دەستور، رێكەوتنە نێودەوڵەتی و ستراتیژیەكان پێویستی بەرەزامەندنی ئەنجومەنی نوێنەران هەیە".

رونیشكردوەتەوە:" رێكەوتنی عیراق – چین، كەساڵی رابردوو لەنێوان هەردوو وڵات بەستراوە، بۆ چوونە بواری جێبەجێكردنەوە پێویستی بەخوێندنەوەی پڕۆژەكە هەیە لەئەنجومەن و هەروەها خستنەڕووی گرنگی و چۆنیەتیەكەی، ئەوكات دەبێت رەزامەندی لەسەر بدرێت".

ئەوەشی وتووە:" حكومەتی ئێستا كۆتایی بەدەسەڵاتەكەی هاتووەو كار بەڕێكەرە، بۆیە دەبێت لەحكومەتی داهاتوودا بەوردی قسەی لەسەر بكرێت".

PUKmedia ئاژانسەكان