پنتاگۆن راگەیەندراوێكی بڵاوكردەوە

.

لەسەر بۆردومانەكەی ئەمڕۆی سەر سەربازگەی بەلەدی ئاسمانی لەبەغدا، پنتاگۆن راگەیەندراوێكی بڵاوكردەوەو جەخت لە نەبوونی هیچ زیانێكی گیانی دەكاتەوە.

لەراگەیەندراوەكەی وەزارەتی بەرگری ئەمریكا" پنتاگۆن" دا هاتووە:" لەئەنجامی بۆردومانەكەی ئەمڕۆی سەر سەربازگەی بەلەدی ئاسمانی لەبەغدا، هیچ سەربازێكی ئەمریكایی و هاوپەیمانی نێودەوڵەتی دژ بەداعش زیانی گیانی پێنەگەیەنراوە".

رونیشكراوەتەوە:" ئەو بۆردومانە هیچ كاریگەریەكی لەسەر كارو چالاكیەكانی هێزەكانی ئەمریكاو هاوپەیمانی نێودەوڵەتی نەبووە".

بەیاننامەكەی وەزارەتی بەرگری ئەمریكا ئەوەی ئاشكرا كردوە، هیچ سەربازێكی ئەمریكای لەئێستادا لەو سەربازگەیە نیە". 

ئەمڕۆ چەند موشەكێك لەناو سەربازگەی بەلەدی ئاسمانی لەبەغدا كەوتنە خوارەوە.

PUKmedia ئاژانسەكان